[الشفق]

سفينة العااااشق
*

قالت علامك قلت عاشق وولهان
...................يرسم على صدر الزمن ذكرياته




قالت مفارق قلت للان ماحان
.........................يوم السعاده ماكتبنا رثاته



قالت اجل وش فيك مبحر بالاحزان
..............مثل العمى اللي تاه موقع عصاته



قلت القدر كم حال مابين الاخوان
........................اخاف لافينا يسوي سواته



قالت مع من قلت مع ناس خلان
....................لولا غلاهم مل قلبي انبضاته



قالت مواثيق الزمن قلت خذلان
..................هذي مواسيمه وهذي سماته



قالت وداع وقلت بدري على شان
............... يستعرض الملهوف لك منجزاته



قالت مضامين الغلا قلت عنوان
...................سفينة العاشق وسترة نجاته



لكن ذنب الحب مامنه غفران
.................طاحت جسور احلام ذاتي وذاته



على مراقيب الوله ياكحيلان
.....................بطيت لين القلب يبست لهاته



تغفي عيون الناس والطرف سهران
.......................من لوعته عيا يواطن مباته



والشوق ولع بالمعاليق نيران
......................حتى الحنايا ملته من عناته



لو قد خبرت انسان خذ موهجة انسان
..................لقول ميخذ مهجتي من غلاته



وانا غريب اوطان في غربة اوطان
......................ضيع حياتي ضيع الله عداته



اليوم لي مده و وضعي كما كان
..............عجزت لنسى شي من معجزاته



جسمه حلا صوته هدب خدر الاعيان
..................في عزته في هيبته في ثباته



في داثر الشلال من فوق المتان
............في مشيته في وقفته في التفاته



في كلمته لاقال اشوفك مسيان
..............في بسمته في ظحكته في حلاته



في هيطعيت غره على حمر الاوجان
..............في غنج مترف في ليون احركاته



في مهمهية عطر ف احساس وجدان
..................في ندرة الولو ف وردي شفاته



في غفوته في صحوته ف لثقت السان
............في نظرته في هرجته في سكاته



في لونه اللي غير عن كل اللاوان
........................اما غنات الذيب والا مماته



قول الجنون اقول ماناقص اجنان
...................وش ينفع المجنون غابر حياته