[الشفق]

أدمنت حسك!
ي ليلة البارحه .. ي اسعد ليالي العُمر
ليله أسعدتني ونستّني الوجع والتعب
##
ما بين واقع معاش وبين سجّة فكر
ومابين فيض المشاعر والغلا والعتب
##
أتخيّل أنى رقيت لفوق سطح القمر
معقول؟ صاحي ويحلم لا كياني انقلب
##
ي كوني اللي إبـ ..فضاءاتك أمِّد البصر
من وين ما لِّد ما غير النّهَر والعِشب
##
عيناك أخايل مطرها منهمر من عصر
يوم أمطرت بالوله سبّبت زحمه وصخب
##
قدرت ألّم الوله غيري ارتبك ما قدر
لأني احبك .. وربك .. خافقي ما كذب
##
ما غير زولك بطيفي ي بنيّه عبر
كلِّك كذيّا على بعضك بذاتي نشب
##
أدمنت حسِّك معه أدمنت الوله والسهر
يجرفني الشوق لشواطي حنانك غصب
##
في ذمتي يوم أشوفك ما يجيني كدر
وان غاب حسِّك فـ نجمي من سماءك غرب
##
ي حلم عشت له لحظات العمر منتظر
إما بزغ فجر تحقيقك فـ...موتي أقترب!
##