[منصور الرويلي]

أنا على راس الجبل والجبل قاع = مهما أرتفع راس الجبل وآصلينه
طبعي وأعّرفه يعتلي كل مطلاع = نعم الرفيق اليا بغاني عوينه
المدح عيب وفي بحر يمي شراع = الصدق صدق وظلمة النفس شينه
صدري وسيع ومن دخل فيه ماضاع = والناس بياع الحكي خابرينه
بالطيب مُطوّاعٍ .. ولاني بمطياع = بالغصب والله مارضيت الغبينه
مد الجزيله موّدعه جدي أوداع = لابوي وأبوي أودعه لي بحينه
غنج اِلبنّي ماله بملقاي مرباع = ولاهمني أكسب سُعاد وُبثينه
الله من قلبٍ له سنين ملتاع = منجيه ربي من رضا وآلدينه
ماني قزازه ينكسر لوحه بساع = ولا أنكسر لو حلمهم كاسرينه
ماهي غريبه من كلام الردى شاع = وأنا نقيضه والحقايق ثمينه
من لا يفّرق بين حامض ونعناع = ماهو مّفرق بين مثلي وبينه
ذيب الاوادم يعرف الذيب لا جاع = وطيب الرجل يُعرف بمدة يمينه
في هالزمن بعض الرجاجيل مرياع = أقصى طموحه كيف يلقى خدينه
الله ولا شوفة ذليلٍ ومنصاع = اليا لمس أدنى ظروفه تهينه
كم من رُجل نفسه ضعيفه وبياع = نفسه على بيع الهقاوي رهينه
ياما هقيت بصاحب وطيبه أنواع = يفوق هقواتي بأصله ودينه
وعكسه لقيت بموقف الضيق مرتاع = يالله على شيل الخفيفه تعينه
ماهو على حمل الثقيلات بتاع = صميدعٍ بالضيق يضحك جبينه
وأنا على راس الجبل والجبل قاع = اليا أرتفع عاداتنا وآصلينه

.
.

[طيف]

شكرا لك يا منصور الرويلي...
يعطيك العافيه
دمت بود

[اميرتهم]

صح لسانك الرويلي
رائع واكثر
دمت بخير

[المغروره]

صح لسانك منصورالرويلي
رائعه بروعة حضورك
ودي

[اوركيد]

اقتباس: مـن لا يفّـرق بيـن حـامـض ونعـنـاع مـاهــو مّـفــرق بــيــن مـثـلــي وبـيـنــه

الشآعر الرآئع / منصور الرويلي ,,

اهلاً بـ جديدك واهلاً بـ إطلآلتك ,,

بيت عن قصآئد ,,, ونِعم بـ حآلك وطآب فـآلك ,,

ولآعدمنآ سلسبيل قوآفيك العذبه ,,

تقييمي,,

مع وآفر تقديري وإمتنآني ,,

[ملائكيه]

صح لسانك منصور الرويلي
نص جزل
طابت اوقاتكك

[السحاب]

صح لسانك منصور
تحياتي