[ثامن السبع العجائب]

قالوا لها : ولد عمتك امينه
جاي ويبي يكمل نصف دينه ..أيش رايك يافتون ؟؟
ابتسمت وقالت : اللي تشوفون ..اركضت صوب غرفتها
بعثرت من الفرح كل اغراضها
وطلعت دبدوب لونه رمادي
قبلته ولصدرها ضمته
وقالت : انته أول هدية كانت في عيد ميلادي !!
كانت من حبيبي
نامت وهي تهمس حبيبي حبيبي حبيبي حبيبي !!ماصحت الا على طقة الباب
امها تقول : بسرعه البسي ترى جونا الأحباب ..
لبست أحلى الثياب
صارت أحلى عروس
بيديها كاسة عصير
قلبها يسابق أقدامها
تبي تشوف فارس احلامها ..لكن ؟!!صار اللي ما توقعت انه يصير ؟!
شافت ولد عمتها سعد
رمت كوب العصير
وارتمت فوق السرير
قبل تسألها امها : وش اللي صار ؟؟
اصرخت وقالت : ماأبييييييييييييييييييييه !!
تجمعوا عليها من كل صوب
أبوها أمها أخوها
قالوا : غصب عليك بتاخذييييييييييييييه !!مرت بسرعه الأيام
وصار الزفاف في نفس هذا العام
تسريحه أي كلام
مكياجها باهت من كثر الدموع ..
عطرها مو مهم حي الله أي نوع
خطواتها يم الكوشه ثقيله
آهاتها داخل صدرها طويله ؟!تمنت الموت ألف مره
على ان تعيش في حضنه لو مره !!سعد يمشي وماسك يدها بيده
يناظر حوله ويشوف مافي أحد قده ..قضت ليلة
أقصد ليلة قضت عليها
ليلة كل شي موحش
أجمعت بصدرها كل ونة مفارق تجمعت !!اليوم الثاني موعد سفرها
سعد مع اخوه ينتظرها
وصلهم لباب الطايره
وعيونه من البكى حايره
طبطب سعد على كتف أخوه
وقال : لاتبكي كلها أسبوع وراجعين
انا وقرة العين
قال اخوه قول : إنـ شاءالله …وصلوا الفندق
اللي في صار في عيونها خندق !!
مع انه خمس نجومأخر الليل فرش سجادته على شط البحر
قال : اجلسي ياقمر
اجلست جلسة طفش
تمنت انها فوق النعش
سعد فرض نفسه
استلقى على ظهره ونام على حجرها
يناظر في السحاب
ويقول احلى شي بالدنيا جمعت الأحباب
يالله الجو روعه والبحر هادي ..
فتون ماهي معاه؟!
جالسه تداعب دبدوبها الرمادي
وقتها نزلت دمعه على جبين سعد
قام وجلس قال : خساره يافتون شكلها بتمطر !!
راح لسيارته مسرع
وخايف ان المطر أسرع
قالها : عيوني هاتي السجاده وبسرعه تعالي ..سعد في سيارته
مشغل الراديو ويسمع :ألا يامطوله صبري أذوق الهم من كاسه
انا ياكم قسى دهري علي وكم قسو ناسه ضحك بسخريه ونزل ينادي
على حبه فتون ..
سجادته في مكانها
فتون مالها أثر
وعلى ضوء القمر
في وسط البحر
لاحظ شي يـطـفـو !!
جن جنونه وصار ينادي بصياح
ماهو معقول كل شي راح
فتون ماتت !!
مالقـوا الا دبـدوبـها
اللي شايل وردة
منقوش عليها(((((( محبة فهد للأبد )))))))منهو فهد ياسعد ؟؟
فهد اخوي .. ولـد امي وأبوي !!
كيف ؟؟ ومتى ؟؟ وليه ؟؟
أسئله مالها أجوبه !!على أول رحله عاد
وليته والله ماعاد
لقى أهله بثوب الحداد ؟!ماينقصهم الا فهد !!فهد وينه ؟؟
فهد مات !!
يوم رجع من المطار
وركب سيارته
لقى في المقعد الخلفي
تذكرة سفر
مكتوب عليها من الخلف
بروج احمر
(((لأني احبك لن اعود)))
فهد انهار
بكى بكى بكى
نسى نفسه انه يقود
صارله حادث
بعد ماقطع ذيك الاشاره !!نفس التاريخ بعد عام
في غرفة سعد
علبه حمرا
فيهادبدوب رمادي
تذكرة سفر
صورة فتون
صورة فهد مكتوب على العلبه :الا يا مطـولـه صبري أذوق الهم من كاسه
أنا ياكم قسى دهري علي وكم قسو ناسه



>>>آآآآآآآهـ

[جدار الصمت]

حزينه حزينه حزينه

لكنها جميله وقراءتها ممتعه

سلم فكر صاغها ان كانت من واقع او خيال

تستاهل الفايف ستار،،

مع تقديري واعجابي

[ثامن السبع العجائب]

اقتباس:
المشاركة الأصلية كتبت بواسطة جدار الصمت
حزينه حزينه حزينه

لكنها جميله وقراءتها ممتعه

سلم فكر صاغها ان كانت من واقع او خيال

تستاهل الفايف ستار،،

مع تقديري واعجابي





شاكره مرورك الراقي

لاهنت

[جوهينا]

قصه مؤلمه حقا،،،،،،آآآهآت وآآآهآت

سلمت الانامل ع الطرح المؤلم حقا


لك من الود جله

[ثامن السبع العجائب]

اقتباس:
المشاركة الأصلية كتبت بواسطة جوهينا
قصه مؤلمه حقا،،،،،،آآآهآت وآآآهآت

سلمت الانامل ع الطرح المؤلم حقا


لك من الود جله





شاكره مرورك الغاالي

لاهنت ِ

[لحن الحياه]

من القلب الف شكر ع طروحك المميزه
في انتظار جديدك بالشوق
لك ودي ووردي

[ثامن السبع العجائب]

اقتباس:
المشاركة الأصلية كتبت بواسطة لحن الحياه

من القلب الف شكر ع طروحك المميزه

في انتظار جديدك بالشوق
لك ودي ووردي

شاكره مرووورك لحن

ودام تواجدك بتصفحي

لاهنت ِ