[مسفرجمعان الصفا]

قال الصفا يالرّجال اللي تفي بالعهود = جتكم بيوت القصيد اللي على حلّها
ياهل الحمايل وياروس الرجال الفهود = اشوف لي ظاهره والحر يفطن لها
اشوف بنت الرّجال معربين الجدود = تركب مع الاجنبي كنّه حميلٍ لها
سواق تحت الطلب ما يختلف بالوعود = لا دقّت الغاليه فالحال يوصل لها
اما من ارض اليمن والا من ارض الهنود = من طيب نفسه ملازمها كما ظلّها
يجي بحاجاتها لو الاوادم رقود = لا نبّته وقت ما تبغى تزاهل لها
يقضي مطاليبها من غير نقصٍ وزود = وان كان تبغى تمشى جاك مشتلّها
تجوب كل الشوارع ما عليها قيود = تدخل محلاتها وتلفها كلّها
تاخذ معه كل راحتها وترقى سنود = ما يعكّر اخلاقها فالسوق ويذلّها
وَ لا يخالف هواها دام تدفع نقود =لوكان يبقى معاها اسبوع ما ملّها
من حقها لو مع السايق تفلّ الجعود = من الثقه والميانه كنّه اخوٍ لها
ما دام حميلها خامل وبارد زنود = وغيرته طاحت تحت رجله ولا شلّها
ما عاد يامر ولا ينهى ولا له وجود = وقوامة الرجل ما اظنّه بكفوٍ لها
ان غاب والا حضر ما فيه غِيره وفود= ما دلّ نفسه على النخوه ولا دلّها
رجّال فالشكل والمظهر وكبر العضود = واما دروب الرجاله ما تحزّم لها
والمشكله نارها قامت توقّد وقود = بيّنت مضمونها واترك لكم حلّها

[اوركيد]

الله الله يا شاعر المجتمع ،،

وهكذا لقب يجدر ب مداد فكرك ،،


قصيده رائعه وتحكي واقع للأسف طغى حتى اصبح ظاهره ،،


لاهنت طابت لك الحياه كما تحب ،،


تقديري و امتناني مع وشمها ب التميز ،،




اوركيد

[الشفق]

صباح الشعر شاعر غامد الهيلا
صح لسانك ابو هلال
نص مميز وهادف كـ عادتك
وطبقت مبدأ ان الشعر رساله وناقش
هذا النص ظاهره واضحه للعيان ..
ممتع شعرا وحضورا لا عدمتك
تقييمي والفايف استارز
وخالص مودتي
،
الشفق

[ابو عبدالله القرني]

صح لسانك يامسفر جزلة من راس شاعر جزل
يكفيها موضوعها الاجتماعي
اختيارك للموضوع والفكرة رائع وعزفك اروع
راقت لي جدا
سلم الفكر وصح اللسان وسلمت اليمين
تقدير واحترامي عزيزي

[السحاب]

صح لسانك مسفر
قصيده جزله وهادفه لاهنت
تحياتي

[المغروره]

صح لسانك مسفر الصفا
جميله بجمال حضورك
ودي

[فلق]

[عبد الرحمن الحازمي]

صح لسانك مسفر الصفا
وبيض الله وجهك على هذه القصيدة الجميلة
وعسى أن تؤثر وتثير النخوة
تقديري لفكرك وشاعريتك

[الرحيل]

صح لسانك مسفر جمعان الصفا
كم انت جزل يا شاعر
دمت بود

[جدار الصمت]

صح لسانك الصفا
صفاء فكر وجزالة مفرده
نص يرقى بمبدعه وماريه
تقبل المرور
جدار الصمت