[حسن آل مشرف]

ياساحة الشعار يامرتع البور
حرام توصل ضيقتي منتهاها

نوقف على صف المواجيب طابور
والا الزعامه ماركضنا وراها

وش فايدة شاعر مقيد ومحضور
دارت به الايام دورة رحاها

الشاعر الفنان لاصار مغمور
يبطي يدور فرصته مالقاها

يوم اجتمع شاعر وناقد وجمهور
رحنا مع العجه وضعنا معاها

الشاعر الواثق نسميه مغرور
وراعي الهزيله مايعدي حداها

اما قصيده وزنها وزن مكسور
والا وحيده مايردد سواها

المال خلا راعي الهزل مشهور
بالمال كون شهرته واشتراها

ازريت اخبي واحتمل خنقة الزور
والحين وصلت ضيقتي منتهاها

اطلقت هوجاسي وفجرته شعور
وكشفت عن وجه الحقيقه غطاها

ياناضمين الشعر بالدور بالدور
خلو النطيحه تمترح ماعلاها

واقول لاتسال عن الشعر دكتور
اسال مجرب فرصته مالقاها

حسن ال مشرف

[الشفق]

صح لسانك حسن ال مشرف
وسلامتك من الضيقه ي رجل
ههههههههههههههههههه
نص جميل وسلسل راقتني قراءته ..

والحياه تبقى فرص ولكل مجتهد نصيب
لاهنت

دام حضورك البهي
وتقييمي ومودتي
،
الشفق

[السيد]

المال خلا راعي الهزل مشهور
بالمال كون شهرته واشتراها

ههههههههههه
يمدي الراجحي ياخذ جائزة شاطي الراحه
بماله وهو ماهو شاعر
عموما
-------

قصيده رائعه ولها آفاق وشاعرها جزل
ننتظر الجديد صح الله لسانك شاعرنا

[سهم المحبه]

قد أختلف عن غيري والكلمة الطيبة لها نور وعبق كعبق أجمل الاطياب وأنفذها
فلا يحتاج صاحبها لمال ولا جاه . نسأل الله العافيه والسلامة .

ومع ذلك جزالة أبياتك ابو احمد رائعة وجميله ولك وجهة نظر فيما قلت
تسلم بارك الله فيك وصح لسانك وبدنك وطبت وطابت اوقاتك بكل خير .

[الساهر]

صح لسانك حسن ال مشرف
رائع واكثر
تحيتي

[الرحيل]

صح لسانك حسن
رائع لا هنت
دمت بود

[حسن مدهش السهيمي]

أوافقك الرأي
وأشيد بجزالتك يا أنت
حسن آل مشرف
صح كلك ولا هنت لا هنت
رعاك الله
وفي امان الله

[صاحبة الفخامه]

صح لسانك حسن ال مشرف ابدعت
تقبل مرور اختك
صاحبة الفخامه

[حسن آل مشرف]

اقتباس: المشاركة الأصلية كتبت بواسطة حسن مدهش السهيمي     أوافقك الرأي وأشيد بجزالتك يا أنت حسن آل مشرف صح كلك ولا هنت لا هنت رعاك الله وفي امان الله

ابو مدهش
الرأي دايما رأيك
والجزاله انتم مصدرها

سلمت وصح بدنك
لاهنت يالغالي

[حسن آل مشرف]

اقتباس: المشاركة الأصلية كتبت بواسطة صاحبة الفخامه     صح لسانك حسن ال مشرف ابدعت تقبل مرور اختك صاحبة الفخامه

صاحبة الفخامه

مرورك شرفني واسعدني

دمتي بصحة وعافية