[هبوب الريح]

/

يا جـاهـل الـدنـيـا عسى بالجهل خير
بــكـره تـعـلـمـك الـسـنـيـن الـفـهـامه

تـرى الـذكـي اللـي تعمد وش يصير
يــدري .. ولــكـن مـا يـبـدّي كـلامه

فـي داخـلـه وديـان واســراره الـبير
مـاخـذ حـيـاتـه مـنـحـنـى واسـتقامه

كل الأمور بنظرته ( خير يا طير )
محدٍ فـي هالدنيا عرف وش نظامه

عـش الـحـياه وخـلها تمشي بالسير
الـصـدفـه تـفتح لك دروب السلامه

لابـد خـطـواتـك تـدوج الـمـشـاوير
حـتـى تـشـوف بـواقـعـك اصتدامه

الـحـلـم يـرسم لك حـكايه وتصوير
مـثـل الـخـيـال اللي تـشوفه وتنامه

تـقـدر تـسـوي حـلم جنحان ويطير
وتـقـدر تـصـيد من الأماني حمامه

إن جـتـك حـالـة ياس والبند تحذير
اصحى من الأوهام وانسى ظلامه

الـوقـت وقـتـه والـزمـن فـيـه تأثير
قــوة صــمــودك ولا قـوة ركـامه

وإن كـنـت متشقق ومحتاج تفسير
اسـمـع لـ بن عبده وراغب علامه

(نسيني الدنيا) وكـل ال (مقادير)
وإن ولولت اسـمع لـ ماجد (ندامه)

[كنزي]

رائع جدا
دمت بتميز وتالق هبوب الريح

[شِيخةّ الغِيد |❥]

،


ابياَت جِداً رائِعهه
ومعااَنييِها اجَمل
لكِن هالبيت كاَن لي معاَه وَقفَه

كل الأمور بنظرته ( خير يا طير )
محدٍ فـي هالدنيا عرف وش نظامه

هبوٌب الريِح
ابدددَعتَ
صح لسسااَنكك ..~

[اوركيد]

الله ،، الله ،، الله

فتنه تقلدّت ثياب الحكمه ،،


وذائقه سآمقه مادامت تصغي ل بن عبده وَ المهندس وَ علامه،،


ترى الذكي اللي تعمّد وش يصير ،،!
يدري ! ولكن مايبدّي كلآمه ،،




اي والله ،،


تقديري يتبعه تقييمي ،،

[الشفق]

لي عوده
الى ذاك تقييمي

[سهم المحبه]

أسطر رائعة بروعة حضورك هبوب الريح عطرها فكرك الراقي بأجمل العبارات
تسلم بارك الله فيك وصح لسانك وبدنك ولا هنت .

[السحاب]

صح لسانك هبوب الريح رائع ما ابدعت
تحياتي

[المغروره]

صح لسانك هبوب الريح
روعه بروعة حضورك
ودي

[غازي الفكر]

الله الله الله
قصيدة لها وقعها ولها اهدافها
وصورك الشعريه المتنوعه بها ..
كفنان رسم لوحه ..لبت عيون محبين الشعر الجميل
لا فض فوك شاعرنا الراقي
تقديري واحترامي

[صاحبة الفخامه]

صح لسانك هبوب الريح رائع لاهنت
تقبل مرور اختك
صاحبة الفخامه