[محمد السالم]

..

..


تنهاد في صدر الورق " نور" مـا تدريـن!
.................... هذا الدفتـر البالـي حطبتيـه مـن بالـي
على ماقف ختوم الجوازات مـن سنتيـن
...................... رميتي بدلوك في رثا الجـمّ مـن عالـي
تفزز ركـاده وإحتفـى فيـك هالمسكيـن
...................... نثل منبعه وأرها لـك الجـمّ مـن تالـي
وهو ظامي وارد وحلمه سقى غاليـن
...................... غدت به حلامـه للغـلا والغـلا سالـي
له أيام ؛ مدري شهور ؛ مدري أونها سنين
.................... يزاود عليك الوقـت ؛ والحـظ ؛ ويغالـي
يزاود ؛ بعيديـن النسـب ؛ زاود الأدنيـن
..................... ولا يلمسه شكًّ علـى إنّـه لـك الغالـي
ولا حسّ نفسه لين صـار الغـلا سكيـن
..................... وصار الوفا منفاه وأصبـح بـه الجالـي
بعد ماعرفتي حاجته لـك تجـي هالحيـن
.................... تقولين له ما أقـوى علـى لـوم عذالـي
يـا ليتـك بدايتهـا حكيتـي ولا بعـديـن
.................... "عليك الستر روّح وانـا أروح فـي فالـي"
بعد ما متلا قلبٍ بحـبٍ ؛ وفاضـت عين
.................... وجد نفسه اللي تـاه فـي مهمـه خالـي!
لو إنك رحلتي قبل لا تجيـن لـه تحكيـن
........................ لقى لك عذر يعفيك مالموقف الحالـي
عسى انه يعيش الصبر ويعايش التخميـن
.................... يحلّي مرار الصبـر مـن ظنّـه الحالـي

..

..

[شموخ]

صح لسانك ولاهان منطوقك

[حسن مدهش السهيمي]

كل عام وانت بخير
يا محمد
وصح كلك يا جزل
لا هنت عزيزي
وفي أمان الله

[سهم المحبه]

لا هنت محمد السالم بارك الله فيك وكل عام وانت بخير وصحة وسلامة
صح لسانك وطاب وقتك وتسلم يالغالي .

[سهم المحبه]

لا هنت محمد السالم بارك الله فيك وكل عام وانت بخير وصحة وسلامة
صح لسانك وطاب وقتك وتسلم يالغالي .

[الشفق]

الراقي محمد السالم
ابداع لا عدمتك
نص مليء بجماليات الشعر
راقني لا فض فوك
دام لنا حضورك البهي..
تقييمي ومودتي
،
الشفق

[عبدالله العطافي]

محمد السالم

صح لسانك وسلم بنانك

قصيدة غزلية جزلة حوت عزة النفس مع بعض العتب والمرارة

رائعة بكل ما تعنية الكلمة

لاعدمنااااك

[عبدالله العطافي]

محمد السالم

صح لسانك وسلم بنانك

قصيدة غزلية جزلة حوت عزة النفس مع بعض العتب والمرارة

رائعة بكل ما تعنية الكلمة

لاعدمنااااك

[اوركيد]

لو إنك رحلتي قبل لا تجيـن لـه تحكيـن
........................ لقى لك عذر يعفيك مالموقف الحالـي
عسى انه يعيش الصبر ويعايش التخميـن
.................... يحلّي مرار الصبـر مـن ظنّـه الحالـي


الشاعر / محمد السآلم ،،


والله انها جميله والتشبيه بهاآ عميق ،،


ولايكتبها الا ذوي فكرٍ غزير وحرف وفير ،،


وشهآدتي في من هم مثلك مجروحه ،،


ولاتسمن ولاتغني من ابداعك شيء ،،


صح ثم صح ثم صح لسآنك ،،


واعتلى قدرك وشآنك ،،


س اوشمها ب ختم التميّز ،،


تقديري وامتنآني ،،

[ميساء]

هذا الشعر جميل ورائع ..

صح لسانك وأكثر