[حسن آل مشرف]

جا يسولف ماسمعته قلت عيد اللي تقول
قال وينك ماانت يمي وين سارح يالحبيب ؟!

قلت سارح في زوايا نظرة الطرف الخجول
نظرة عيونك خذتني لآخر حدود المغيب

لارفعت الرمش غصبا . كن به ثقل وخمول
قلت انا وشلون ماارحل* واهجر الواقع واغيب

ولانزل بشويش كنه ورد* يغشاه الذبول*
قلت شكرا يازماني والف شكرا للنصيب*

في حورها سر غامض صعب تلقى له حلول*
والاكيد اني فهمته بس احس انه غريب*

قال ياعمري تمنى .. قلت هاللحظه تطول
قال واجمل شي فيها ؟قلت يوم انك قريب**

واجمل جروحي جروحك واطلب الله ماتزول
مع مرور الوقت طابت او عساها ماتطيب

بعد هالكلمه سكتنا .. قلت وش كنا نقول ؟
قال مدري .. كنت سارح في* كلامك يالحبيب

حسن آل مشرف