[حسن آل مشرف]

انا مقصر في الرد على بعض التعليقات
في المشاركات السابقه بسبب ضيق الوقت
التمس منكم العذر
سامحوني ...
ــــــــــــــــــــــــــــــــــــــــــــــــــ ــــــــــــــــ

قال شاعر !؟ قلت انقي كل جزله
قال عطني من معانيك الجميله
قلت ماقدر قال شل الصوت شله
قلت ياالله اقدر بحملي واشيله
قال وشبك؟! قلت بي مليون عله
والهموم اللي على صدري ثقيله
قال فضفض و انثر المكنون كله
يمكن القى حل واكسب بك جميله
قلت والشكوى لغير الله مذله
الوحيد اللي من الضيق اشتكيله
الوفا والصدق ماعدنا ندله
والقلوب الصافيه صارت قليله
قال باقي خير قلت الخير بـ اهله
قال شكلك ياحسن راعي طويله
قلت ازيدك قال زيد الطين بله
حاس ابونا هالزمان وشان جيله
قلت واهل الطيب مايسون قله
والخسيس النذل يسواله قبيله
النميمه حش والتقطيع فله
والتواضع عيب والكبره فضيله
قال منهو لاعتزابك قمت لجله؟!
قلت منهو يستحق افزع و اجيله؟!
الرفاقه في الرخا مليون شله
وكل واحد قي القسا ينكر زميله
المنغن ارتكوله مثل ضله
والمفّلس مالقا من يرتكيله
الوسيله برروها بـ الف فعله
والف غايه ماتبررها وسيله
الامانه مالها مذهب ومله
والخيانه ميزة النفس النبيله
الطهاره جرم تنقصها الادله
والمؤدب تهمته نشر الرذيله
قال جنب دق مضمونك وجله
قلت خله والليالي به كفيله
الله اللي يعقد الحبل ويحله،
مايضيق العبد دام الله،وكيله،
قال اعيد اول سؤال وهات حله
قلت اجاوب لوتعيده كل ليله،
قال شاعر؟! قلت شاعر ماتمله،
يسكب احساس القصيد وسلسبيله
قال يكفي /قلت يكفي ؟! /قال والله
اشهد انك ياحسن مافيك حيله

حسن آل مشرف

[الاقحوان]

الشاعر القدير
حسن ال مشرف
هطول كالغيث اهزوجة ولا اروع
ابداع ولا غرابة
شاعر متمكن بلا منازع
صح لسانك وسلم فكرك
تقبل مروري

[ذكرى]

محلاها هالقصيدة ومحلى تنظيمتها

راقني جدا هذا الأسلوب والحوار الساكن فيها بقال وقلت
شاعر متمكن أسعدتني حروفه ونظمه ونبضه

حسن آل مشرف
سعدت بالحضور واستمتعت كثيرا

شكرا لجمال حرفك وحسك

احتراماتي

[عبدالله السهيمي]

وأنت شاعر ،

وصح لسانك وجزل بالمعنى وبالحوار حكيم
قصيدة بمنتهى الابداع
دمت بخير

[سهم المحبه]

لعلك قسوت بعض الشي على النفس
ومع ذلك عانقت سماء الرقي والتميز بهذه الرائع
شكرا لك شاعرنا الكبير حسن آل مشرف ويسلم راسك بارك الله فيك

أعلى تقييم مع ختم التميز
مع اجمل وارق الامنيات

[السحاب]

صح لسانك حسن
قصيده مميزه
تحياتي

[الشفق]

لوحه شعريه
احكم رسامها تفاصيلها
وابدع في الوانها ..

حسن ال مشرف
صح لسانك مدد بلا عدد
جدا راقتني لحد الثمل

دام حضورك وضياء سطورك
تقييمي ومودتي
،
الشفق

[اوركيد]

ايّ والله مافيك حيله ..


استمعت بـ هذا السكبْ ,,

فـ صحّ المِداد وَطآب هذا الرذاذ ..

تقديري يآ عذب ..

[حسن آل مشرف]

اقتباس: المشاركة الأصلية كتبت بواسطة الاقحوان     الشاعر القدير حسن ال مشرف هطول كالغيث اهزوجة ولا اروع ابداع ولا غرابة شاعر متمكن بلا منازع صح لسانك وسلم فكرك تقبل مروري

الغالي / الاقحوان
صح بدنك لاخلا ولاعدم

مرورك اسعدني
تحياتي ومودتي

[حسن آل مشرف]

اقتباس: المشاركة الأصلية كتبت بواسطة ذكرى     محلاها هالقصيدة ومحلى تنظيمتها راقني جدا هذا الأسلوب والحوار الساكن فيها بقال وقلت شاعر متمكن أسعدتني حروفه ونظمه ونبضه حسن آل مشرف سعدت بالحضور واستمتعت كثيرا شكرا لجمال حرفك وحسك احتراماتي

ذكرى

وانا ايضاً سعدت بالمرور الكريم
شكراً