[حسن آل مشرف]

♚♚♚
آخر الازمان عفواً من نعانب وش نقول
وش نسوي باختلاف الرأي واسباب الجدال

آخر الازمان عفواً ضاعت انصاف الحلول
بين تحليل الحرام وبين تحريم الحلال

القيم في مجتمعنا من نزولٍ في نزول
وانحلال بكل ماتعنيه كلمة انحلال

الهياط اللي نشوفه من مريضين العقول
هو تخلف والا موضه والا نوع من الهبال

الغني يلقى قبوله حتى لوماله قبول
والخلايق يتبعونه لن عنده راس مال

والفقير برغم طيبه لايطول ولاينول
لن ماعنده ريال صار مايسوى ريال

والتعنصر من قديم الوقت عيا لايزول
عنصريه من زمان الجاهليه لاتزال

قلتها من باب غيره والا من باب الفضول
اصدق الشعر شعرٍ ينكتب وقت انفعال


حسن آل مشرف

[الشفق]

شاعرنا الرائع حسن ال مشرف

كل عام وانت بخير

وصح لسانك بلا عدد

ابيات في غاية الجمال تصوير واهدافا

دامت ملكوتتك الشعريه ..


تقييمي ومودتي
،
الشفق