[ثامن السبع العجائب]

ماهو بكيفك تواصلني وتقطعني
إما غلا بين أو فضها سيره

يا شين لا جيت تقطع لا توادعني
ليتك تحس الوداع شلون تأثيره

يا مآخذ الحب قل فيني وسمعني
حب على كبر صعب أبدل بغيره

أبحتفظ فيك وأدري منت نافعني
يمكن مع الوقت أقول محبتك خيره

والله تدري وش اللي معك دافعني
إني معك إنت أمارس آخر الغيره

وأحب فيك البرود اللي يقاطعني
لو ما تكلمت صمتك صعب تفسيره

ياللي عليك البشر شفها تقاطعني
منين ما أوجه الهقوات لك سيره

يا شينها من الخوي قولته قاطعني
ما غيره شره ولاإنت بشايف خيره

ويا شينها منك لا جيتك توزعني
في عذرك اللي على هالظرف تأجيره

شف كبر صبر البشر ما عاد ياسعني
وأكبر هموم العباد أشوفها صغيره

وش جاك مني خطا يومك تبيعني
في سوق ذقها عليك أسوقها جيره

أنا أذكر إنك إلا من قلت دلعني
القلب هانت علشانك مشاويره

يا مشغل القلب بين تحبني ويعني
شفني عليك أحترق يا سيدي حيره

مرات أقول أتركك لا شك يمنعني
شي يقول إعذره وإقبل معاذيره

قلت أحتفظ فيك وأدري منت نافعني
يمكن مع الوقت أقول محبتك خيره

>> حمد السعيد

[عبد الرحمن الحازمي]

مرات أقول أتركك لا شك يمنعني
شي يقول إعذره وإقبل معاذيره

قلت أحتفظ فيك وأدري منت نافعني
يمكن مع الوقت أقول محبتك خيره

تحياتي لما نقلت شكراً لك

[ثامن السبع العجائب]

اقتباس : المشاركة الأصلية كتبت بواسطة عبد الرحمن الحازمي [ مشاهدة المشاركة ] مرات أقول أتركك لا شك يمنعني
شي يقول إعذره وإقبل معاذيره

قلت أحتفظ فيك وأدري منت نافعني
يمكن مع الوقت أقول محبتك خيره

تحياتي لما نقلت شكراً لك





ياهلا والله

نورررت متصفحي

لاهنت

[ابو شلاخ]

رائعه واكثر

سلمت يمينك يااذوق

[ثامن السبع العجائب]

المشاركة الأصلية كتبت بواسطة ابو شلاخ
رائعه واكثر

سلمت يمينك يااذوق




ياهلا والله بو شلاخ

نورت متصفحي بمرورك

لاهنت

[شلمار]

ماهو بكيفك تواصلني وتقطعني
إما غلا بين أو فضها سيره

يا شين لا جيت تقطع لا توادعني
ليتك تحس الوداع شلون تأثيره


جميله جدا

راقت لي كما راقت لك

يسلموا وصح لسان شاعرنا