[ابو شلاخ]

جتني وقالـت خـذ بقايـا هدايـاك
وهاك الرسايـل وأعتبرهـا نهاايـه

وخل ذكرياتي والصور دووووم وياك
مابيـك تنسانـي وتنسـى هـوايـه

وأستر على ماشفت منـي وماجـاك
وعسـاك تذكـر ذكرياتـك معايـه

قلت أسمعي قالت عسى الله يرعـاك
ماعـاد ينفـع ياحبيـبـي كفـايـه
صاح الضمير وقال يالزين وش جاك
ودي أعرف اليـوم شنهـو خطايـه

ودي أعرف اللي حصل لاعدمنـاك
شاللي حصل بالضبط شنهي الحكايـه

قالت (خطبني) شخص مثلك وشرواك
وأبـوي ملكـه وحـطـم منـايـه

قالت وهي تبكي ترى الكل يفـداااك
لكن ظـروف الوقـت زادت شقايـه


غصب علي اليوم أوادعك وأجفـاااك
مجبوره يـا قلبـي أفـض الروايـه

لاتعتقد في يوم أنـا بقـدر أنسـاااك
أنت الوحيـد اللـي لهالقلـب غايـه

والقلب صابه وقتهـا ألـف دكـاك
والهم أعلـن فـي حياااتـي البدايـه

[الشفق]

سلم ذووقك
ابو شلاخ
مؤلمه بس راقتني بشده
شكرا لك بلا نهايه
ومودتي

[أبو رنيم]

رائع ماجلبن ابو شلاخ
سلمت يمينك
حفضك المولى

[صاحبة الفخامه]

تسلم ابو شلاخ
ذائقتك جميله
تقبل مروري
اختك
صاحبة الفخامه

[شِيخةّ الغِيد |❥]

أبوُ شلـآخْ
آستَمتَعتْ وآنا اتَجوَلْ بيِن جَوآهر
كَلمِاتكْ وبرِيقْ الـآحْساَس بهآ
رآئع ذٌوقك بآلآنتقــاء
ودي لِسموٌكْ سيــدي ...