[جابر السلمي]

اسامينا .... شو تعبو أهالينا تــــ لاقوها..... و شو افتكرو فينا
^
^
جوزف حرب
،،،

لو كـل مـن اسمـه جميـل مـن العـرب يطلـع جميـل
كان أكثر اسماء العرب تحمــل صفات اصحابها

^
^
خلف المشعان


وش هالمقدمة اللي ما تدري وش تبي، المهم مالكم بالطويلة
اسامينا وش تدل عليه ؟
يعني لو اسمي جميل اصير مملوح واخقق زي ما يقولوا اصدقاءنا في غانا
ولو ا اسمي شجاع اصير مثل عنترة العبسي و اشتري خيل وسيف وبندقية وأربي جي واقوم اطامر بهاالصحاري واهاوش.
ولو اسمي هتان اصير رشة مطر وكل ما اجي عند ناس يجيبون مظلة عشان رشاشي ما يخرب تشخيصاتهم.

^
^
فيه مَرَه / حُرمة يعني، اسمها مليحة، "اللهم لك الحمد على النعمة "
تشوفها تقول من أيّة جن ، (خلقة الله ونعم بالله) بس مشكلتها مصدقة انها مليحة .

طيب اقروا القصة الحقيقية اللي تدل على ان بعض الاسماء لها من اسمها نصيب ،
بس مو من طقة جميلة ومليحة وهتان (قلب يطامر)
،
فيه واحد اسمه (قاسي) < الاسم لحاله يشعرك بالخوف لو انك مثل عنترة العبسي ،
هذا الــ قاسي ، من تعابير وجهه تشوف أخاديد كأنه شارك بيده و وجهه في معارك في أدغال افريقيا
وشخبطت في وجهه الغابات لين نبت نخل بوجهه. يقول اللي يحكي لي السالفة:
عند هالقاسي "ورعين/ ولدين" اكبر واحد عمره 9 سنين !
شاف (لبوه) مَرَةْ الذيب والد وعندها (جروين) < معناها ورعين ذيبه ،
ودخلوا هالذيبين الصغيرين بحفرة وتبعتهم امهم الذيبة الكبيرة اللي اسمها (لبوة).
ولا حظهن عمنا (قاسي) قال لعياله خذوا هذي البندقية ام 5 ،مصدية ومرات ماتثور لو تحاول فيها 100مَرّة
، قال لعياله : هيا ادخلوا عليها وجيبوا لي عيالها ولا لا تجون.
المهم ، العيان قالوا : ابشر يبه ، <(طالعين لابوهم) والله مدري عن اساميهم بس أجلف من أبوهم
، ثم دخلوا بالجحر ويقول الراوي اللي ما هو كذاب دقايق واللي جالسين بجنب (قاسي) يعذلون فيه جيب عيالك يبن الحلال اللبوه شرسة ، قال لهم: عساهم ما يعودون أن كان ما يجيبون لي الجروين ولا تاكلهم اللبوه "ما باهم" < معناتها لا أريدهم .
لحظات ويسمعون طلقة من البندقية اللي تخبرون !
ويطلع الجنيين ومع كل واحد منهم جرو ، وينادون لابوهم وهم مشلطين من آثار المعركة ,
قال لهم أبيهم ، بيض الله وجيهكم – طبعا وجيههم من الشمس مسوّده ، ما تبيض لو بكلوركس وفلاش مع بعض ،
تصدقون بعد كم سنة من هالحادثة !!
واحد من هالعيال مسك عامل باسمه كان هارب ،
وقال لــ أخوه الثاني يافلان :جيب الدورية بنسلم هالعامل لهم وانا بامسكه لين تجي الدورية .
(العامل كان ممتلي شحما ولحما وعظما ،مكبوس كبس من العافية) ،
مسكه ولد (قاسي) وحط يد العامل تحت إبطه (عشان يخدره) خخخخخخ
وقعد يتغدى مدري يتعشى ،والعامل يحاول الهرب ، تدرون وشا قال له ، !!
قال للعامل شوف والله منت شارد إلا إذا تخلي يدك عندي هنا ههههههههه
،،
الفايدة:
1 / الاسماء أحيانا تدل على المسمى واحيانا بعيدة مرّه.
2 / اللي بيسمي جميل ويبي ولده يطلع جميل يسمي (جابر) ههههه.
3 / البنت / الحرمة اللي اسمها ليلى لا تدور على قيس.
4 / البنت اللي اسمها جميلة تناظر زين بالمراية وتستخير قبل ما تغث الخليقة.
واللي مملوحة ورواثقة من نفسها ونفسيتها لا تطالع للمرايه ولا تغسل وجهها حتى،خخخخ
5 / ان كان الموضوع ما له داعي وسماجة زايدة ، اقلعوه .
6 / كنت ابغى احط فيسات وزبرقه بس ما تشتغل ، ليه ياأصحاب الصلاحية ، شوفوا حل!
،،
اللي عنده شيء في راسه ، من تقطيع / ذب / هشتقة / لا يرده إلا كيبورده. الدعوة تسليه وطق حنك .

،،
تفضلوا ، انتظر هسترتكم.
ولاحد يجي يقول يسلموووو ، ترى اجيب قاسي وعياله

[الرحيل]

جابر
عوافي
طبعا اسمي (مليح)
<< الظاهر يبي مليحه
ههههههههههههههههههههه

[رفيقة الغيمه]

جابر السلمي
جميل ماجلبت
ولعل الصمت وتامل
ماحوى ابلغ من الكلام
دمت برضاً من الرحمن

[جابر السلمي]

اقتباس: المشاركة الأصلية كتبت بواسطة يكفي عتاب     جابر عوافي طبعا اسمي (مليح) << الظاهر يبي مليحه ههههههههههههههههههههه

يعـــافيك يا مليح
اسمك /فعل يا خي ! ليه ما فكرت في العواقب




خلاص ، وافقت مليحة ! أحسنت اختيارك
هذي المليحة فل ابشن ، فيها كل المواصفات
ظلال عن الشمس ، تتذكر أشجار العرفج
ممكن تسوي مصنع نسيج وسلك نحاس لغسيل أدوات المطبخ
وتتخبى عن البرد والحر ظل ودفا زي ما يقولون.
،،،
شرفت المليح
يكفي عتاب
ويكفي رباب
هههههه
سلام

[جابر السلمي]

اقتباس: المشاركة الأصلية كتبت بواسطة رفيقة الغيمه     جابر السلمي جميل ماجلبت ولعل الصمت وتامل ماحوى ابلغ من الكلام دمت برضاً من الرحمن

يا حيا الله هالزول
زميلة الدُّفعه
هذي اليوزرات اللي عليها الكلام
بس انا عاتب عليك يا اللي انتي والغيمة صديقات
ليه ما احتجيتي يوم عطوك قلم، وانا ما عطوني الا صحن وما هو ذهبي بعد
هذي وحدة
بعديت الثانية ليه انتي جنب الحيط تكتبين ، يعني ادخل الصغحة
لازم انظر يمين عشان اقرا الرد
افرضي ان الواحد مصلّبه رقبته ما يقدر يلف يمين ولا شمال
ليه الاحراج احلفي انك ما عاد تكتبين الا بوسط الصفحة.
ثم اسامحك
واخيرا شكرا لك ولا تضيقين على أخوك
وهذي لك

وهذي تحطينها على المطاط اللي رابطته


سلام يا ست الكل
،

[لحن الحياه]

1 / الاسماء أحيانا تدل على المسمى واحيانا بعيدة مرّه.

الحمد لله اسم على مسمى <<< واثقه
2 / اللي بيسمي جميل ويبي ولده يطلع جميل يسمي (جابر) ههههه.

ايه هين قلت جابر

واللي مملوحة ورواثقة من نفسها ونفسيتها لا تطالع للمرايه ولا تغسل وجهها حتى،خخخخ

هههه و انا انا ما اناطر بالمرايه كثير بس لازم اغسل وجهي

5 / ان كان الموضوع ما له داعي وسماجة زايدة ، اقلعوه .

اممممممم مدري باشاور الاداره

يعطيك الف الف

عافيه على الموضوع النايس

بنتظار جديدك بشوق

لحون

[جابر السلمي]

هلا

اقتباس: المشاركة الأصلية كتبت بواسطة لحن الحياه     الحمد لله اسم على مسمى <<< واثقه

يعني كيف بالله الحياة تلحن ولا تغني ولا إيش
حسبتك غلطتي بالاسم اللي كان " لحن الحيّات" وشوشة الحيايا

اقتباس: المشاركة الأصلية كتبت بواسطة لحن الحياه     2 / اللي بيسمي جميل ويبي ولده يطلع جميل يسمي (جابر) ههههه. ايه هين قلت جابر

عندك شك لاسمح الله

اقتباس: المشاركة الأصلية كتبت بواسطة لحن الحياه     واللي مملوحة ورواثقة من نفسها ونفسيتها لا تطالع للمرايه ولا تغسل وجهها حتى،خخخخ هههه و انا انا ما اناطر بالمرايه كثير بس لازم اغسل وجهي

هذي المشكلة
طيب المثل يقول" الزين زين لو قام من النوم" وينك عن هاالمثل
اشتري مرايه واضمني مستقبلك يا لحن ترى الثقة الزايدة
ودت ناس كثير في مشاكل

اقتباس: المشاركة الأصلية كتبت بواسطة لحن الحياه     ان كان الموضوع ما له داعي وسماجة زايدة ، اقلعوه . اممممممم مدري باشاور الاداره

بشاور ولا بشتون
المهم خليك محضر خير ولا تشوهين سمعتي
وتوسطي لي عندهم
هزاع ما أضمنه ترى

اقتباس: المشاركة الأصلية كتبت بواسطة لحن الحياه     يعطيك الف الف عافيه على الموضوع النايس بنتظار جديدك بشوق لحون

الله يعافيك يا لحن محمد المغيص للحياة
انتي احسن وحدة بالعالم العربي والعالم المتقدم
^
ترفيع عشان ما تسول لك نفسك بقرشعة الموضوع
تسلم هالطلة
وخذي هذي

وذي بعد عشان تزرعينها بالديرة

وذي عشان لو ذبلت وحدة من اللي فوق


سلام يا ست الكل

[شِيخةّ الغِيد |❥]

يما كل هذي هذرتكِْ
<ماشششاللهـ هع
يسسسسسسسسسسسسسسسلموٌ جابِر
<مَحد يبيِ يحااارشْ
بعديينْ يااستااذ جَمييلْ وَ مملوحْ وَ خقهْ (جابِر)
موٌ ملـآحظ
أنكك خلَصصتْ ورداتناَ
بِ فلوووس هااذي أحد قالكك انها ببِلاش هع
وَ فدييتْ معسسوووٌلوهـ بسسْ
أسم علىَ مسمى فديتني فديتني
هع
/
/
عوااااااااااااافيِ يا غلـآآتيِ
الله يِسسعدك دنيا وآخرهْ
واللهـ لاَييححرمنا طلتك ....

[جابر السلمي]

اقتباس: المشاركة الأصلية كتبت بواسطة معسولة الريق     يما كل هذي هذرتكِْ <ماشششاللهـ هع يسسسسسسسسسسسسسسسلموٌ جابِر <مَحد يبيِ يحااارشْ

إيه ، عندك مانع
شوفي يا مع سوله
صحيح انتي كفيلتي هنا
لكن هذا ما يمنع المصارحة معك وانتي رمزيتك تطل بعين وحده.

اقتباس: المشاركة الأصلية كتبت بواسطة معسولة الريق     بعديينْ يااستااذ جَمييلْ وَ مملوحْ وَ خقهْ (جابِر)

(وجه يقوطر خجل)
ما جبتي جديد ، شوفيني راز صورتي حتى الميكرفون بيلصق في حلقي
من زود الملح والجاذبيه
لكن برضه في صدري شيء يقرقع ولازم اصارحك فيه
< وش هو أخلص.
اللي هو صلة قرابتك مع مليحة الآنفة الصورة خخخخخ
الحين انتي معسولة ، صحيح النمل معسكر جنب بيتكم
يقولون شافوا نملة جاية من طرفكم كأنها بعير من التهام العسل
اللي ينقط،خخخخخ
بدون زعل رجاءً ، ولا تتهورين ثم تتبرأين مني

اقتباس: المشاركة الأصلية كتبت بواسطة معسولة الريق     موٌ ملـآحظ أنكك خلَصصتْ ورداتناَ بِ فلوووس هااذي أحد قالكك انها ببِلاش هع وَ فدييتْ معسسوووٌلوهـ بسسْ أسم علىَ مسمى فديتني فديتني

لا والله ما لاحظت هي كلها وردة وحدة والباقي إكسات هههه
ترة الثقة الزايدة مشكلة يا فتاه ، اعتبري ممن سبقك
واشتري مرايه مقعّره تنفع وقد اللزوم

اقتباس: المشاركة الأصلية كتبت بواسطة معسولة الريق     هع / / عوااااااااااااافيِ يا غلـآآتيِ الله يِسسعدك دنيا وآخرهْ واللهـ لاَييححرمنا طلتك ....

هذي عشان الكلمة الملوّنه أعدتي لي الثقة
،
شكرا يا ستي الله لا يحرمني منكم جميع
والمعذرة على الهذرة ترى الموضوع وناسة وصرقعة
قلت احيي ليلة هنا
والظاهر ان مليحة بتضيق على اخوك
عطيها ذي بالنيابة يمكن تتحمس وتدسني في شوشتها ثم تصير مشاكل
أمنية.

وهذيلك انتي شخصيا

روحي يا شيخة الله يوفقك
تقديري وتحيتي

[حكايه صمت]

1 / الاسماء أحيانا تدل على المسمى واحيانا بعيدة مرّه.
اسمي ماعليه كلام
عبدالله

ومن ناحيه اسمك (جابر) ممتاز >> يسلك له هههههه

يعطيك العافيه
وسلمت يمينك

دمت بسلامهـ...