[أبو رنيم]

غاسل ٍ كفـي مـن مصافحـة بعـض اليديـن
وقافـل ٍ بوجيـه أهلها صناديـق البـريـد

وشايف ٍ شي ٍ لي أعوام مالـي فيـه عيـن
وقاطـع ٍ خيـط الهقـاوي بسكيـن الوكـيـد

وخالص ٍ من طيـب ضـن ٍ موهقنـي سنيـن
وظاهر لي عقب عرف العـرب عقـل ٍ جديـد

وطايح ٍ من عيني ارجال عنـدي كـان ويـن
وحاقـر ٍ منهـو يقـيـس الأوادم بالرصـيـد

ومحتمي ٍ من غدر الأصحاب في حصن ٍ حصين
ولابس ٍ لرماح الأقراب ثـوب ٍ مـن حديـد

وماضي ٍ منـي علـى اللـي تمشينـي يميـن
ما تجي منهو قريـب ٍ والـى احتجتـه بعيـد

المواقـف تشخـل النـاس والطيّـب يبـيـن
كل عـام يطيـح تسعـه ويصفـا لـي وحيـد

اشهد أن خيـر المـدارس تجـارب الأولين
واشهد ان راي التجارب هو الـراي السديـد

واشهد انـي للبـلاوي علـى الدنيـا مديـن
كـل مـا راجعـت نفسـي طلعـت المستفيـد

وانت ياللي عقبك الزين بيـن البيـض شيـن
مستحيل يطوفك الشعر وانـت اصـل القصيـد

القصيـده فـي عيونـي بدونـك مـا تزيـن
لازم ان اجيـب طاريـك يـا ملـح النشـيـد

انت ياللي مـن بطيـن الفـؤاد الـى الاذيـن
والله ان حبـك مـع الوقـت ما ينقص يزيـد

في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد

اقهـر الضيقة بذكـراك مـن حيـن لحيـن
وانثر دموعي على الوصل مـن عيـد ٍ لعيـد

لك غلا ً سبحـان ربـي ملـى الدنيـا حنيـن
ولك وفا ً سبحان ربـي مكـن فالكـون غيـد

شف مكانك فـي مكـان ٍ عـن العالـم دفيـن
في مكان ٍ مـن ورى مثـل عيـدان الجريـد

مكرم ٍ حبـك ولـه فالحشا سمـن وسميـن
يقدع من الحـال واصـب لـه بـن الوريـد

افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد

الهوى سجن العشاشيـق وأنا لـك سجيـن
وودي ان سجني مؤبـد ولـي حـارس وقيـد

عزتي لي مـن فراقـك عسـى ربـي يعيـن
ادري انه فـي طريقـي ولـو وصلـك مديـد

صابر ٍ غصبا ورى الخشم لو جرحـي مكيـن
ودي افعـل لكـن الله يفـعـل مــا يـريـد

[رفيقة الغيمه]

ابو رنيم
جميله تلك الحروف
استحقت ان تعنون
بـ تجارب حياه
دمت برضاً من الرحمن

[صاحبة الفخامه]

يسلمو
ابو رنيم
اختار جميل ورائع
اختك
صاحبة الفخامه

[حكايه صمت]

صح لسانك
ما اجمل تلك الابيات
ذوق مميز
يعطيك العافيه
وسلمت يمينك


دمت بسلامهـ...

[ابو احمد اللحماني]

أبو رنيم
احسنت و صح لسانك
سعدنا بالمرور على هذا الطرح الرائع و استمتعنا بما فيه من تجارب

شكراً الله يسعدك

[أبو رنيم]

رفيقة الغيمه
صاحبة الفخامه
حكاية صمت
علي احمد

الف الف شكر على كرم المرور
فوجودكم انار متصفحى وفقكم الله
لا خلا ولاعدم

[شلمار]

احسنت الاختيار ابو رنيم

غاسل ٍ كفـي مـن مصافحـة بعـض اليديـن
وقافـل ٍ بوجيـه أهلها صناديـق البـريـد

قصيدة تعبر عن واقع الحياة


اختيار موفق


راقت لي

سلم قايلها وناقلها

تحيتي


شلماااااااار

[أبو رنيم]

شلمار الف الف شكر على كرم مرورك
وفقك الله

[عفناكـ]

أخي الغالي

أبورنيم


ابيات اختصرت المسافات واعتصرت الحياة، فجاءت بلسما للجراح.

دمت بخير.

كنت هنا

عفناكـ

[أبو رنيم]

حياك الله اخى عفناك
ولا عدمنا مرورك
وفقك الله