[أبو رنيم]

تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !



لا يا ( حبيبي) .. الزمن لا يخليك
تقسى على قلبي وتسقيه سِمِّك !



[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !



ما هي غريبه من يذمِّك يماشيك
لكن غريبـــه يمدحك من يذمِّك !!
وسلامتكم


ما كل واحد غاب معناه ناسيك
بعض البشر ينساك لو كان يمِّك !



أدري تعزني .. اللـه يعز غاليك
وإن كان لـي عندك معزَّه بضمك !



في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !



إسمك حبيبي ويا كثِرها أساميك
وقلبي يفز .. لا جابوا الناس إسمك !



ليتك تحس في ضيقتي يوم أحاتيك
أحرق لك أعصابي .. وما حَس دمِّك !



غايب بدون أعذار .. ربِّي يجازيك
عطني سبب مُقنع حبيبي .. وألمكّ !



همِّك , جنونك , ضحكتك , كل ما فيك
صوتك , سكوتك , وأرجع أقول : ( هـ مِّ كْ ) !



[ لبيــه ] منِّك غير .. لمَّا أناديك
كن الكلام العَذب ... مرساه فمِّك !



مهما غلوك قلوب ناسٍ حوالــــيك
أغليك أكثر منِّهُم بس .. لعلمك !



أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !







.
شايف غلاهم لِك .. أكثر أنا أغليك
واللِّي وِصَل ( نِص الغلا ) يمكن أمّك

[صاحبة الفخامه]

اقتباس: شايف غلاهم لِك .. أكثر أنا أغليك واللِّي وِصَل ( نِص الغلا ) يمكن أمّك

يسلمووو ابو رنيم
روعه بروعة حضورك
تقبل مروري وشكري
اختك
صاحبة الفخامه

[حكايه صمت]

جميل جدا
يعطيك العافيه



دمت بسلامهـ...

[عفناكـ]

انتقاء موفق اخي ابورنيم
سلمت وسلمت لنا ذائقتك
بانتظار جديدك القادم

[ابو دماس]

انتقاء جميل اخوي ابو رنيم
صح الله لسانك واعتلا شانك ..

[المهاجر]

انتقاء رائع جداً

شكراً ابورنيم

وصح لسان قائلها

وسلمت يمين ناقلها
مع وافر تحياتي

[أبو رنيم]

الف الف شكر لكل من مر من هنا
لاعدمت مروركم الرائع
بارك الله فيكم