[مسفرجمعان الصفا]

هذه القصيدة موجهها لخالي / عائض ابن مسفر ابن رداد الزهيري
بعدما المت به وعكة صحية فاتيته زاير وقلتها له
وهو من قبيلة الزهران احدى بدود غامد الهيلا

سلام تسليمٍ من الراس للراس = للي مواثيق الرجوله قضبها
عايض ابن رداد للطيب نبراس = وشيل الحمول الكايده ما حسبها
ما جور ياراع الجميله ولا باس = يابن الرجال اللي عريبٍ نسبها
خوالي الزهران والجدر له ساس = وافعالهم نفخر بها ونحسبها
لهم مهد السود موقف ومرواس = نار الوغى روس الاعادي حطبها
ودون الحمى ركبوا على قب الافراس = والغبن مكسب فاللقا من حربها
ولهم نهار الزرب علمٍ ونوماس = وقفة شرف كل العرب تشهد إبها
وقت الحروب ونطحة الماس بالماس = تهاب شجعان القبايل غضبها
على الطوارف ساعة الخوف حراس =ونطح الجموع الغازيه ما كربها
وعند الجمايل والمكارم والاوناس = تكرم و تمّن من لجا في جنبها
واعود بالمعنى على قدر وقياس = لا من روحه بسوق المكارم جلبها
لْخالي اللي يوم الارياق يباس = كم قالةٍ من بد غيره كسبها
يتحمّس لْكسب الجمايل تحمّاس = وتجيه منصاعه ولو ما طلبها
عون الرفيق الى شكى ضيم واتعاس = انا اشهد انه سعْد عينه عجبها
وعوق الخصيم الى شهر كل قرناس =وشبّت مقابيس الفتايل لهبها
صميدعٍ مواقفه ما لها اجناس = وروحه على كسب المعالي وهبها
شهمٍ شجيع ولا مشى بدرب الادناس = واهل العلوم الهافيه ما صحبها
له معْ هل الشيمات موقف ومجلاس = مع الرجال اللي تعلت رتبها
حلالها لا ضربت اخماس باسداس = يحلّ كايدها ويهوّن صعبها
وانا امدح الوافي ولا ني بهلاس = كلمة شرف واقولها واجهر إبها
والله يجيره من عنا الوقت والباس = ويحفظه من كيد السنين وتعبها
وصلاة ربي عد ما هب نسناس = على اشرف الامّه وقدوة عربها

[الشفق]

اللهم صلي وسلم على شفيعنا محمد

اخي مسفر الصفا
صح لسانك واعتلى شانك
نص يليق بمبدعه انت وبمن كتب فيه عايض بن رداد ويستاهل

نص جزل تجلت فيه ثقافة وتمكن مبدعه مسفر الصفا
كانت مفرداته منتقاه وقويه ..

نايف يامسفر وعلومك غانمه وتجمل لا عدمتك
شكرا لك بحجم الحضور وتقييمي للنص
و*****
ومودتي لك
،
الهزاع

[صاحبة الفخامه]

صح لسانك مسفر
قصيده رائعه من شخصك الرائع
تقبل مروري وشكري
اختك
صاحبة الفخامه

[رفيقة الغيمه]

صح لسانك
مسفر جمعان الصفا

نص عالي الشاعريه
مبدع المادح ويستحق الممدوح

دمت بحفظ المولى

[المغروره]

مسفر صح لسانك
قصيده جميله ويستاهل من كتبت فيه
ودي

[سهم المحبه]

اللهم صلي وسلم وبارك على عبده ورسوله محمد
صلى الله عليه وعلى آله وصحبه وسلم

صح لسانك اخي مسفر وبارك الله فيك

والنعم فيك وفي من قيلت له القصيده

[أبو ريان اللحماني]

والنعم بغامد البادية جميعاً

قصيدة تحمل في طياتها النبل والوفاء المعهود عنك أبا هلال

لله درك وسلمت وسلم خالك

دمت بخير

[ابو وليد]

صح لسانك اخي مسفر
قصيده فعلا يقف لها شعر الراس
دام فكرك

[جابر السلمي]

الشاعر الكبير
مسفر جمعان الصفا
والنعم بالخال والنعم بالبناخي
ما جور ان شاء الله ،والله يتمم له الصحة والعافية
القصيدة عملاقة من شاعر عملاق
جزالة / علو / وفاء / وشعر أصيل متفرد
صح لسانك وسلمت يا مسفر الصفا
مودتي وتفديري

[جدار الصمت]

صح لسانك
مسفر جمعان الصفا
قصيده وافيه ويستاهل من عنيته بها
مع مروري شكري
جدار الصمت