[مسفرجمعان الصفا]

قال ابن جمعان من صافي العقل الذهين = عبرةٍ يهدي لطلابها مضمونها
باقةٍ عبيرها ريح مسك وياسمين = تبهج قلوب العوارف بزين فنونها
كلمةٍ من جزل الامثال معناها يبين = حسب معرفتي وانا اللي بدعت لْحونها
ياوسيع العرف خلك لما اقوله فطين = حكمةٍ تلقى الدواليل في مكنونها
المشاكل لا تعرضتها خلك رزين = والبشر لا ترهبك لو تحدّ سْنونها
ولا تجي عند العرب لعبةٍ بين اصبعين = ثم تصبح تحت اسرها رهين سْجونها
ولا لقيت اهل الردا فالردا متعصبين = حدّها حتى تشوف الزرا بعيونها
قفّل ابواب الحجج من يسار ومن يمين = وخلّ عاقلها يْتحمّل خطأ مجنونها
وكانها بمصامك الروس بالسيف السنين = ما لك الا تنطح القافله وضعونها
اكرب حْزامك وباضعف خصم لا تستهين = وخلك لامن وقّدت نارها دندونها
قابل الخصّام وادّحمه بالجنب المتين = ولا طعنت فجرها لين يكبر كونها
وكانها بالعرف والفكر والراي السمين = العرب لا تحيد عن سلمها وقانونها
الرجال إلها مذاهب وميقافٍ ثمين = والحقيقه عن هل الحق ما يخفونها
إرد للحقان عند الرجال الغانمين = ورشّد الشهم الذي ذمته ما يخونها
واقبل الدليل واصلح ترى ان الصلح زين = ولا تولّع جمرة الشر في غليونها
ولا نصاك الحق قل يامعين الصابرين = وقوم بحقوق النشاما ووف دْيونها
ولا وردت حجتك لا تشد حبلك باليدين = خلك من فوق الهقاوي ولا انت بدونها
واقتنع بالوافيه وانت سيد العارفين = والعياه احذر تجوّد بروس غْصونها
ظمها كما يقول المثل دنيا ودين = وفيك رواد الحكم لا تخيب ظْنونها
ذي نصيحة شاعرٍ عاش في عسرٍ ولين = صارع الدنيا وقاسى جميع شْطونها
والنصايح تنشرى من الرجال الناصحين = مجربين وكلمة الحق ما يغطونها
وختمها صلوا على اشرف نبي يالسامعين = عد ما سحب المناشي تهلّ مْزونها

[ثامن السبع العجائب]

شاعر الهيلا

صح كللللللللك

كثير منا يحتاج النصيحةة

ويروق لي الشعر الذي يحمل نصائح جمه
من شاعر حكيم
واعيدها صح كللك ولافض فوك

دمت بخير

[الشفق]

صح لسانك يا مسفر
من اجمل ماقرات وربك
جزله ووافيه من راس شاعر جزل ووافي
تمنيت اني من ابدع تلك الباذخه عزائي ان من ابدعها
عندي بغلاة الروح ....

شكرا متتاليه ايها الشاعر الجزل من هنا لما لا يعلومن
وتقييمي والتميز

ودامت لآل الشفق اطلالتك
،
الهزاع

[هيبة ملك]

صح لسانك يالغالي الشاعر مسفر على هذه النصائح المهمة...

دمت ودام عطاؤك..

[رفيقة الغيمه]

صح فكرك وسلم بنانك
مسفر الصفا

لحضورك هيبته الشعري
شاعر متمكن وما ذلك النص الا دليل

رقي فكر وجزالة شعر
نالت استحساني لذلك اقيمها

دمت بحفظاً ورضاً من الرحمن

[حسن مدهش السهيمي]

الغالي

مسفر بن جمعان الصفا

صح كلك ولا هنت

قلت فأوفيت

نصح من مخاض التجربه

حكيم انت

رعاك الله

وفي امان الله

[جابر السلمي]

مسفر جمعان الصفا
شاعر حكيم أصيل يغرد شعرا أصيلا مبهرا
كل بيت يرسم نجمة في السماء
وكل حكمة في هذه القصيدة تنبيء عن شاعر فذ متمكن
ومسهب في الجمال.
مضيء دوما سيدي
استفدت حقيقة من هذا المطر الشعري
صح لسانك
مودتي وتقديري

[ابو دماس]

صح كلك ياشاعر الهيلا
جميلة واكثر اخوي مسفر الصفا
استمتعت بها بالكمال بتناسقها
وبتماسكها وبسبكتها

لاهنت ونتشوق دائما لتواجدك
ولنصوصك الجزلة ..

[ابو عبدالله القرني]

هنا حكمة

هنا ادب شعري بكل ماتعنية كلمة ادب

كانني بك وقد اعدتنا الى زمن عمالقة شعر التوجيه والنصح

صح لسانك ولا فظ فووووك

لاهنت عزيزي مسفر لاهنت

استمتعت هنا فهنيئا لنا وجودك بيننا يالغالي

[احمد المنتشري]

قـابــل الـخـصّـام وادّحـمــه بالـجـنـب الـمـتـيـن
ولا طـعــنــت فـجــرهــا لــيـــن يـكــبــر كــونــهــا

يا سلاااام عليك يا مسفر
نص جميل مليئ بالنصح والإرشاد
نص حماسي محمل بجواهر الشعر الوعظي الجميل
ما اجمل الشعر عندما تصاغ بتجربة شاعر متمكن بمفردته
صح اللسان وسلم البنان ولا نضب لك فكر يا مسفر

تحاياي لكـ