[سفيرالشعر]

أعذروني على الغياب مريت بوعكة صحية الله لايريكم مكروه وهذي من اجل خاطركم


ان كان قررت السفر والتنقال
...................روح عسى ربي يسهل طريقك0

وان جاك طيفي ينتشد عنك ويسال
................ عطه الحقيقه وماخفي في بريدك0


اشطب على اسمي دام ماني على البال
.......... وش لك بماضي فات عش في جديدك0


الى متى اطرد فيك ياهيه واسال
.............خلاص رح واقتل علي باطول ايدك0


وانا بغني لك مع البعد موال
.....................وافك من يدي حبالك وقيدك0


وارتاح من حب(ن)يجي منه غربال
.............. يابيه ماني واحد(ن) من عبيدك0


خلاص لاتبخل على رفعة الشال
............. وان كان حركه الهوا غط بيدك0


أنا بسافر عنك مضعن ورحال
............. واما انت رح وصدتك ماتفيدك0


بكره تجي تبكي وتشكي لي الحال
............... واقول هذا قدرك الله يزيدك0

[العميد]

صح لسانك

لكن اسمح لي بعلم

هع هع هع هع

صح لسانك سفير الشعر

جميلة وكلك ذوق استاذي

[الشفق]

صح لسانك واعتلى شانك
سفير الشعر
رائعه بل اكثر
راقت لاخوك لاهنت
لها الفايف استارز
ولك شكري وتقديري
ومودتي
،
الهزاع

[عاشق شفق]

سفير الشعر
صح لسانك
قصيده تستحق المرور لا هنت
دمت بود

[سفيرالشعر]

(العميد ، الهزاع ، عاشق شفق ) أشكركم على كرم المرور فأنا منكم وإليكم لاخلا ولاعدم

[الهاوي]

صح لسانك سفير الشعر
قصيده رائعه
شكري واعجابي

[المغروره]

سفير الشعر
صح لسانك
نص جميل لاهنت
ودي

[صاحبة الفخامه]

سفير الشعر
صح لسانك كلمات رائعه من شخصك الرائع
تقبل مروري وشكري
اختك
صاحبة الفخامه

[أبو راكان]

اشطب على اسمي دام ماني على البال
.......... وش لك بماضي فات عش في جديدك0

جميل يابو سعود
دائما ما يتعبك الماضي
ويحرك شاعريتك بمثل هذه الروائع
صح لسانك

[سفيرالشعر]

الأخوة كلا من (الهاوي ، مغرورة ، صاحبة الفخامة ، أبو راكان) أشكركم على كرم مروركم فأنا بكم ولاشئ بغيركم ، أما الماضي يا أبا راكان كثبرا مايؤرق العاشقين هههههههههههههههههههههههههههههههههه تحياتي لكم