[نمرالعتيبي]

للمشاركه وإلا المصاب اكبر من اي قصيد

رحل كريم اليد نبيل الوصايف=ومرسوم نعيه في الصحف والاذاعه
ابوسعود اللي رقاء للنوايف =شوير ابو متعب ودايم ذراعه
ياعين هلي دمعة أفراق نايف=أسد هل ألسنه وسيف الجماعه
رجل الأمن والفزعة الكل خايف=وملجم فمي اهل الفتن والاشاعه
وقاهر عصابات البدع والطوايف=والي لهم في مملكتنا طماعه
التابعين الفكر الاصلاح زايف=الحاسدين الهالبلد في اجتماعه
العابثين بأمن دار الولايف=أللي نزل فيها الوحي والشفاعه
وفديتها باغلا الدماء والكلايف=يارمز للرحمه ورمز الشجاعه
يالله عساه ألجنة الخلد نايف=ويغسله بالماء والبرد كل ساعه
ياسامع دعوة عبيدك وشايف=بأمرك رضينا والك سمع وطاعه

إلى جنة الخلد بإذن الله يا بو سعود

[الشفق]

الاخ نمر العتيبي
اسعد الله صباحك
وصح لسانك وكتب اجرك
ورحم الله الامير نايف واسكنه فسيح الجنان
مرثيه رائعه وتليق بذكرى من كتبت فيه
شكري لك ومودتي
،
الهزاع

[الرحيل]

الله يرحم نايف
وصح لسانك يا نمر
جزله من شاعر جزل
دمت بود

[شِيخةّ الغِيد |❥]

رَحِمه الله رَحَمه واسسَعه
واسَكنه فَسيح جنآتهْ
شاعِرنا القَدير / نَمر الَعتيبيَ
مَرثيه رائِعه
صاغتهااَ انامَل مٌبدعهْ وفِكر راقِي
صَح لسانككْ وبوٌحكْ
لـِروٌحك حدائِق مِن الَوردْ ..~

[جدار الصمت]

رحم الله فقيد الجميع وجعل قبره روضه من رياض الجنه
وصح لسانك شاعرنا القدير نمر العتيبي
وشكري وتقديري
جدار الصمت

[شخصيه مستهدفه]

رحم الله نايف وغفرله وجعل الجنه مثواه ..
وصح بوحك ي نمر ولو كان القصيد يوفي نايف
لـ أصبح الجميع شاعراً من أجل ان نرد له ربع جمايله ..

[رفيقة الغيمه]

صح لسانك
نمر العتيبي

ورحم الله نايف وجعل جنان الخلد مثواه

دمت برعاية المولى

[عيسى محمد]

نمر العتيبي

الله يرحم نايف واموات المسلمين
وصح السانك ملايين ولا يكفون
ابيات جزله من راس جزل

تحييياتي