[منصور الرويلي]

للنيـه الحسنـه ظنـون وتفاسيـر=للشك في وجه الحقيقـه مـواري
والشر في ظن العرب يسبق الخيـر=ومال الصحيح بعالم الكذب طـاري
تنبيك عن سـر الوجيـه التعابيـر=وتقطع مسافات الدروب المسـاري
تعاف نسمات الصبـاح العصافيـر=والحر مايجنـح ميولـه يسـاري
أحيان أكبـر فـود لاعّـود الطيـر=ولاكل طيـرً دوم صيـده حبـاري
بعض الدواعي عرقلتها المحاذيـر=واصعب سؤال اللي جوابه خيـاري
من وجه واحد يحسبون المخاسيـر=ومن صوب واحد يتبعون الاثـاري
تزهقهم الخطوه وتعطـي تباشيـر=للي يبشر فـي هبـوب الـذواري
أخذ نفس من عقب سجـة وتفكيـر=وأسترجع اللي صار هاك النهـاري
وأرفع غطا هالبير وأغطـي البيـر=وأرفع نظر عيني بساحـة مـداري
وأعطيك علـمً مالقـوه المداويـر=وأمشي بدافع رغبتـي واختيـاري
وأكسّـر أقفالـن عليهـا مساميـر=وأفتّـح أبوابـاً مداهـا صحـاري
بيـداء فكـر ماشابهـا أي تأثيـر=تهدي مفاتيح القصيـد أنتصـاري
أزرع مساحتهـا ورود ونـواويـر=لا جابرن خاطـر ولانـي أمـداري
ماجيت أغيّر بالشعر وجهة السيـر=ولا جيـت أدور فيـه رد أعتبـاري
شاعر وقدري في عيون الجماهيـر=اللي مشاعرهـم تحـدد مسـاري
وان كان ضاقت بالكـلام التعابير=ماني عن اللي يحبـك العـذر داري
دايم عزى الخسران قولة حصل خير=والخيـر وينـه يابعيـد المحـاري
أسوى عباره صّدرت منـك للغيـر=يعني أنتظاري وش يفيد أنتظـاري
أقولك يكفـي عـن الذنـب تبريـر=ماكـل زلـه تنغفـر بالـعـذاري
للنيـه الحسنـه ظنـون وتفاسيـر=وللشك في وجه الحقيقـه مـواري

.
.
.
.

[الشفق]

اقتباس: أســــوى عــبـــاره صّـــــدرت مــنـــك لـلـغـيــر يـعـنــي أنـتـظــاري وش يـفـيــد أنـتــظــاري أقـــولــــك يــكــفـــي عـــــــن الـــذنــــب تــبــريـــر مــــــاكـــــــل زلـــــــــــــه تـــنـــغــــفــــر بــــالـــــعـــــذاري لــلــنـــيـــه الــحــســـنـــه ظـــــنـــــون وتــفـــاســـيـــر ولـلــشــك فــــــي وجــــــه الـحـقـيـقــه مــــــواري

صح لسانك واعتلا شانك
اخوي منصور الرويلي
شاعر جزل وعلومك غانمه وقصيدك مايمل
لا سماعه ولا قراءته ، نص عانق السماء بجماله
ويستحق التميز بحق ..
مفرده قويه ومعاني شامخه لله دررك من شاعر..
شكرا لما لا يعلمون على هذا الحضور الزاهي
تقييمي
وتقديري الجم
ومودتي
،
الشفق

[الملتاع]

وأعـــطـــيـــك عــــلـــــمً مـــالـــقــــوه الـــمـــداويــــر

وأمــــشــــي بــــدافــــع رغــبـــتـــي واخــتـــيـــاري

صح لسانك شاعرنا الرويلي
ومرحبآ الف في منتدانا
قصيده جزله ومعناها واضحاستمتعت بقرائتها
وتشرفت بتواجدي هنا
تحيتي لك

[رفيقة الغيمه]

نص لا يتقن كتابته

الا شاعر متمكن من ادوات الشعر

منصور الرويلي انت كذلك

نال استحساني لذلك اقيمه ^

دمت برعاية الباري

[المغروره]

صح لسانك منصور الرويلي
قصيده رائع من بروعة حضورك
ودي

[ابو عبدالله القرني]

جزل يامنصووور

فصح لسانك وبيض الله وجهك

نصر كبير ورائع ويستاهل التميز

مررحبا بك اخي بشفق

وسعداء بهذه الجزاله الماطره

لاهنت عزيزي

وننتظر جديدك يالغالي

[وجه الغياب]

صح صح نبضك
وصح الله لسانك
حبكة شاعر ونص انيق
قراته اكثر من مره
ولم ارتوي وساعود حتما للقراءه
صح نبضك وصح منطوقك
جميل مثل هذا الحضور
بل يزيد على الجمال
وتقف الكلمات متقزمه اما شاعريتك وجمال نظمك
وحضورك الجميل
صح الله لسانك
وبيض الله وجهك

[منصور الرويلي]

ماجيت أدوّر للخطايا معاذير = جيت بشموخي ماعلى البال طاري
الصدق طبعي والنوايا مغاتير = والطيب نهجي والتسامح شعاري
على الشفق صغت المعاني تعابير = ثورة مشاعـر ماتجسد قـراري
يقول لي (....) وأقول (كمهير) = بحس الفطن مابه قرارً وزاري
كسرى عظامه كسروها المناعير = والمجد للويلان يخضع أجباري


.

...\










.

[ابو دماس]

لاهنت ثم لاهنت على هذه الجزالة الشعرية
راقية من شاعر راقي ننتظر المزيد