[منصور الرويلي]

حرفٍ سطع بين الجواهر لميعه= وحرفٍ بسوق العرض يحتاج تلميع
لولا السلع ماصار بالسوق بيعه = ولا شفت سعر السوم يفرق عن البيع
ولا حـّمـل الله نفس ماتستطيعه = ولا ينكسر رُجلٍ أربوعه بواتيع
والشاعر اللي كل معنى يطيعه = له بصمةٍ تفرق على كل توقيع
هذاك نبله بالمجالس شفيعه = طبعه وراثي ماقبل أي تطبيع
واللي لها حبك المعاني طبيعه = تختال فبحور المعاني ينابيع
لا أقفى خريف العشق واقبل ربيعه = تارد على نبع المعاني تقاطيع
ماكل رأيٍ واجب أنك تطيعه = بعض السوالف كالهبايب مع الريع
اللي يبي الفرقا دواه القطيعه = شالح قدر يصبر على مفارق فديع
والواشي اللي كل سرٍ يذيعه = أنا هرج بي ؟ وانت قطــّعك تقطيع
والا ترى أهل الحظوظ الوسيعه = تفرق مبأديهم عن السوم والبيع

.
.

[ابو سديم]

صح لسانك

وسلمت يمناك

لاهنت

[الملتاع]

الــلـــي يـــبـــي الــفــرقــا دواه الـقـطـيـعــه
..............................شالـح قـدر يصبـر علـى مـفـارق فـديـع


صح لسانك
و
سلم الفكر والبنان

رااائعه من روائع الشعر

تحيتي لك

[الشفق]

صح لسانك منصور
لي عوده

[ابو دماس]

صح كلك اخوي منصور لاهنت على هذه الجزالة
وفقك الله لكل خير وبارك فيك

[منصور الرويلي]

"

>>

.
.

[مسفرجمعان الصفا]

منصور الرويلي

لله درك على هذا البوح المتتفرد بالجمال والجزالة


بداااااااااااااااااااااااع يليق بك وتليق به

تستحق خمسة نجوم *****
حفظك الله

[اميركم]

والله انك شاعر مبدع يالوائلي

وقليل في هذا الوقت الشاعر المبدع شرواك
ماغير المصنوعين في زمن الصناعه

لفقاعة الصابون