[بقايا حلم]

يسعد صباحكم...
هذه ابيات كتبتها وانا يا دوبي صاحيه من النوم تقريبا من نص ساعه لم اتعمد الكتابه ابد كنت ساعود الي النوم وراودتني تلك الابيات هي ابيات بسيطه جدا تدخل فيها روح الفكاهه لم اتعمد فيها لاوزن ولا قافيه
وبما انه فيها روح الفكاهه تخخلت فيها بعض الالفاظ مثل "فيسها" وتعني وجهها >>للتوضيح فقط
اتمنى تعجبكم..



صباحك بنت مفهيه تناظر الجوال بنص عين
تقلب السجل يمكن تكون من المتصلين
تفتح الواتس وتدعي عساه من الموجودين
فجاءه انقلب فيسها تعيس ومره حزيين
تذكرت لما يضايقها يقول هيييه هالبوز لا تمدين
ويضربها على راسها اوووه لازعلتي فيسك مره شين
بس يبعد عنها تحلطم روح يا دب جعلك البين
وتعلى صوت ضحكته يابنت بالحكي مين تقصدين
يقرب يمد ايده يلامس فيسها الحزين
تحمر شفايفها بالحيل وتورد الخدين
يقرب يهمس باذنها يازين الخجوله اه يا زين
بس للاسف عنييده وبكلامك معي تشدين
يبغالك حدا االامرين وانتي عليك تختارين
تبين بوسه على الخد المورد ولاا ولاا كفين
تناظره بحقد ابعد انت ايش تبي مني الحين
تعااالت ضحكته ياويلي مدت البوز شبرين
قطع حبل افكارها نغمة جوالها "حبيبي ي نور العين"
ردت بصوت هاوي الوووووه حبيبي اهلييييين
اووه حبيبتي احب صوتك لما من النوم تصحين
كذا يداعب شعوري ياخذني لك شوق وحنين
الو الو الو الووووووو يا بنت وينك ما تردين
كل هذا خجل طيب احب الخجل منك يحلي زينك زين
ترد بهمس حبيبي الله يخليك خل هالكلام بعدييين
طيييب مع السلامه حبيبتي على شي تامرين
حبيبي تعال تعال والله مو قصدي ازعلك عساي العمى بالعين
تغيرت نبرت صوته صرخ كم مره اقول على نفسك لا تدعين
انا ما ازعل على روحي بس يا غلاهم بالدوام شوي مشغولين
اكلمك بعد نص ساعه ولا اقول بعد ساعه او ساعتين
ترد بصوت مخنوق بالله ايش رايك بعد يومين
بس يومين متاكده بعد يومين حبيبتي انتي تامرين
مع السلامه وارجوك لنفسك زين زين تنتبهين
اووه هذا من جد قفل وبيكلمني بعد يومين
يرن جوالها ثاني وما مر من الوقت دقيقتين
وتسمع صوته الحاني حبيبتي واناا اقدر ؟انا اشتقت من الحين
ودي...بقايا حلم

[الشفق]

الانيقه * بقايا حلم
بدايه رائعه لا تتوقفي كانت ممتعه
ومقفاه وان لم تلتزمي الوزن ..
تكفي فكرتها وترابطها مع غرضها الفكاهي الجميل
راقت لي مع صباحي الباكر ..
صح فكرك ولا نضب ودام قلمك ولا ثلم ودامت لنا
اطلالتك يا راقيه ..
تستاهل النجوم الخمس وتقييمي
وتقديري ومودتي
،
الشفق

[السحاب]

بقايا حلم
جميل ما نزف قلمك
راقت لي
تحياتي

[بقايا حلم]

اقتباس: المشاركة الأصلية كتبت بواسطة الشفق     الانيقه * بقايا حلم بدايه رائعه لا تتوقفي كانت ممتعه ومقفاه وان لم تلتزمي الوزن .. تكفي فكرتها وترابطها مع غرضها الفكاهي الجميل راقت لي مع صباحي الباكر .. صح فكرك ولا نضب ودام قلمك ولا ثلم ودامت لنا اطلالتك يا راقيه .. تستاهل النجوم الخمس وتقييمي وتقديري ومودتي ، الشفق

اهلا بك استاذي الغالي الشفق
مرورك من هنا اسعدني كثيرا كما اني سوف اخذ انتقادك بعين الاعتبار ربما انا لم اتعمد الوزن والقافيه ولكن اعدك بما هو اجمل وافضل باذن الله
ويكفيني عن ذلك قرأتك لسطوري مما زادها جمالا فلا تحرمني دعمك وتشجيعك

تقيمك وسام على صدري
كون دائما بالقرب
دمت بود,,,

[الملتاع]

جميله هذه الابيات
يعطيك الف عافيه بقايا حلم

[بقايا حلم]

اقتباس: المشاركة الأصلية كتبت بواسطة السحاب     بقايا حلم جميل ما نزف قلمك راقت لي تحياتي

الاجمل مرورك من هنا
لا حرمنا المولى اطلالنك وردودك
دمت بود..

[بقايا حلم]

اقتباس: المشاركة الأصلية كتبت بواسطة الملتاع     جميله هذه الابيات يعطيك الف عافيه بقايا حلم

الله يعافيك اخوي الملتاع
اسعدمي مرورك
دمت بود

[فقير حظ]

كلمات تستحق المرور
يعطيك العافيه بقايا حلم
دمت بود

[ابو دماس]

بقايا حلم بداية جميلة وبإستمرارك القادم يكون اجمل واجمل
ننتظر منك المزيد بارك الله فيك

[بقايا حلم]

فقير حظ
لا حرمنا المولى مرورك
شاكره لك ذلك
دمت بود
ــــــــــــــــــــــ
ابو داماس
الاجمل مرورك لا عدمناها
شاكره لك مرورك وتعقيبك
دمت بنقاء