[التميمي]

توكلنا ع الله وتفضل ياعقااااااااااااااااااااااب

سلام الله وانا شاعر وانا صاحي مع الصاحين=وانا مهبول لاجاني هبيل غره اهباله
امام المسجد اللي يوم صلوا خلفه الصفين=سهى واخلف صلاة اللي يحسبه صافي باله

[عقاب]

اقتباس: المشاركة الأصلية كتبت بواسطة نجم     توكلنا ع الله وتفضل ياعقااااااااااااااااااااااب سلام الله وانا شاعر وانا صاحي مع الصاحين=وانا مهبول لاجاني هبيل غره اهباله امام المسجد اللي يوم صلوا خلفه الصفين=سهى واخلف صلاة اللي يحسبه صافي باله

هلا يامرحبا وانا اعرف اللي على وجهين=ومام المسجد المذكور فال الله ولا فاله
مادام انه سهى معذور يسجد سجدة الساهين=وسجده جوف مسجدكم تعدل ميلة اعقاله

[التميمي]

ياسلام

يدوم ابك البقا ياللي شربت الما من النهرين=نهر يظميك والا نهر يروي لك وتظماله
اخاف بفرضه الاخر يدور له على امصلين=ولايلقى من ايصلي معه ويصلي لحاله

[الشفق]

صحت السنتكم
عقاب
نجم
الله لا يخلينا من تواجدكم
متابع للنهايه

[المغروره]

صحت السنتكم
وطابت ليلتكم
ودي

[عقاب]

اقتباس: المشاركة الأصلية كتبت بواسطة نجم     ياسلام يدوم ابك البقا ياللي شربت الما من النهرين=نهر يظميك والا نهر يروي لك وتظماله اخاف بفرضه الاخر يدور له على امصلين=ولايلقى من ايصلي معه ويصلي لحاله

انا من فضل ربي ماعليه اخلاف حالي زين=ولكن انت يات اللي من النهرين تجواله
تخير يانجم واختار لك واحد من الاثنين=مأذن للحرم والا امام تصلي ابداله

[عقاب]

اقتباس: المشاركة الأصلية كتبت بواسطة المغروره     صحت السنتكم وطابت ليلتكم ودي

هلا مليون بالغلا تشرفنا بتواجدك الراقي
من رقي سمو ذاتك

[عقاب]

اقتباس: المشاركة الأصلية كتبت بواسطة الشفق     صحت السنتكم عقاب نجم الله لا يخلينا من تواجدكم متابع للنهايه

تسلم ياذيبان هههه

لاتصدق وتقوم تعوي هههههههههههههه

[الشفق]

الله يسعدك ابو عقاب
ولا هان اخوي نجم
واصلوا متابع
وياليت تتخصوا جزء من محاورتكم
الرائعه في الدعاه عن اشرف خلق الله
فاسمه يتعرض لهجمه شرسه من اعداء الله
ينوبكم الاجر ان شاء الله
مودتي

[عقاب]

اقتباس: المشاركة الأصلية كتبت بواسطة الشفق     الله يسعدك ابو عقاب ولا هان اخوي نجم واصلوا متابع وياليت تتخصوا جزء من محاورتكم الرائعه في الدعاه عن اشرف خلق الله فاسمه يتعرض لهجمه شرسه من اعداء الله ينوبكم الاجر ان شاء الله مودتي

الله يثيبك جزاك الله خير
ونسال الله العلي العظيم ان ينصر رسوله
على الامريكان واعوانهم في بقاع الارض