[علي حاسن]

يالتميمي مايرد القدر كثر الحذر=فالليالي المدبره والليالي المقبله
المثل قد قال تعرف خويك فالسفر=وكل مايخطر على البال فالطرقه قله

[التميمي]

واجب تحتاط من شان لاحل القدر=ماتلوم النفس في شي غصب تقبله
كم خوي طاريه يكفيك لو ماقد حضر=وكم خوي لو هو بجنبك ماسرك بعمله

[الشفق]

علي حاسن
التميمي
صحت السنتكم
مودتي

[علي حاسن]

يالتميمي ليلة العيد تعرف من عصر=لاتعد الاجوبه قبل طرح الاسئله
ول ياطول الصبر والنصر مامن نصر=كل ماقلنا تحسن اكلها مفلفله

[ابو دماس]

صحت الألس شعراءنا الكرام
لاهنتم لاهنتم

[الشفق]

متابع
بووووه احد
والا ختمتم

[التميمي]

الشبكه الله يسامحها

كل طيب تكفله كلمته لانه صقر=والردي مانضمنه لو ربوعه تكفله
انت دامك حي ماصرت في لحد القبر=اعرف ان النصر حي مردك تدهله

[التميمي]

الشفق وابودماس صحت ابدانكم ولنا الشرف فيكم وبالي مثلكم

[علي حاسن]

كان عندك حل للمشكله غير الصبر=لاتوانى يالتميمي بحل المشكله
السنين المقبله يالتميمي ادهى وامر=وحال وضع النصر موقوت مثل القنبله

[احساس انثى]

علي حاسن صح النوووم
يالله ننتظر التميمي ليما يصحى ونكمل