[عبدالله الازوري]

ليا منك نصيت الـعـتـيـبي حزة الضيق
هلا يـا مـرحـبـا بـك دخيلك ناصي الكار

...

نبي نحبك معان الشعر بدع الطواريق
وبأخذ معك قــاف خـطـيـر يشعم النار

[اوركيد]

صح لسآنك استاذ عبدالله ..

لآهنت ..

[عبدالله الازوري]

صح الله ابدنك يالغلا {اوركيد} مرورك غايه !

[علي حاسن]

نعم فيكم وفيكم رياجيل ومطاليق
................عسى فيك البقا عد ماقد طايرن طار
تفضل قول وش يختلج جوف المعاليق
...........ولا من قلت علمك تجيك اعلوم الاحرار

[عبدالله الازوري]

تحت سيف الملوك الصقيل الحمل ماطيق
خـفـافـيـش الظلام ادوجت في للـيل ونهــار

...

صــديـقـك يـالـرفـيـدي عـلام ابدنيته ضيق
واحسب ان الحياه وجهها شعشاع بأنوار

[اوركيد]

صح لسآنك استآذ علي ..

..

متآبعه ..

[علي حاسن]

اقتباس: المشاركة الأصلية كتبت بواسطة عبدالله الازوري     تحت سيف الملوك الصقيل الحمل ماطيق خـفـافـيـش الظلام ادوجت في للـيل ونهــار ... صــديـقـك يـالـرفـيـدي عـلام ابدنيته ضيق واحسب ان الحياه وجهها شعشاع بأنوار

اذا ماطاعك الوقت طيعه وابلع الريق
....................ترى بعض المعاني لها منظر ومجهار
انا داري بنيتك ودك تهدم اطويق
...................لكن اطويق ماهو بسيط وصعب ينهار

[علي حاسن]

اقتباس: المشاركة الأصلية كتبت بواسطة اوركيد     صح لسآنك استآذ علي .. .. متآبعه ..

صح بدنك يالغلا
لنا الشرف بمتابعتك

[عبدالله الازوري]

وانا حالف{ن} بالله لا شبها حواريق
ليامن شفت عينك تلد ايمين ويسار

...

مـطـيـتك تــســرحـهـا مـا بين المخاليق
تحسب ان الاذاعه بتمنع عنا الاخبار

[احساس انثى]

الله الله ..
صحت السنتكم ومتابعين