[الشفق]

لعبة الأيام



يا رحلة أيام العمر من وين.؟ ودِك نبتدي.!
بكتبك ..قصه.. كل عين إتناظرك .ما ملتك
/
أنا ابتديت تولمي عاني القلم... صار .بيدي
وابغى على قدر السوال إليا سألت .إجابتك
/
امشي على هونك شوي شوي مابيك تعَدي
ونفس السوال ..اكرره ..من وين نبدأ قصتك
/
من ساعتك ؟ وإلا؟ نحول للزمان الجرهدي؟
اللي طوى أعوامك غدر من عقب ذبح آهلتِك
/
وإنتي على ما قيل ذباحة بشر. مير.. اهجدي
مالك لوى مابه دوى مأحدٍ عرف لك علتك
/
غير الشهور اللي محت وجهك بهجعة مرقدي
جزاك من جنس أعملك في هجعتك ..ما هنتك
/
لا تهربي باقي بخاطر ...سايلك ..... علمٍ مدي
إنتي إن مللتِ ..طلته.. هو حيل يعشق ..طلتك!
/
في ليلته يرقبك بين ..أسهيل ....ونجوم الجدي
لأسدل عليك الليل غيمه من ظلام ....وظلتك
/
وين الوجيه ؟؟ اللي توارت بين يومك ..والغدي
يا كم بكتك أقلامهم ..ما تذكري ؟؟ كم ....عدتك
/
وين الطيور اللي بصباحاتك تطير ....وتنشدي
لا فج نورك بالضياء قامت .....تغرد ...غنتك
/
وين الورود اللي تبسم لك خجل ....تندى ندي
وش ذنبها ضحكاتها تُذبح مع ........فجريتك
/
يا هل ترى ؟ هم لعبتك وإلا ايش؟قولي يا بعَدي
ما بِك جميل ولا وفاء ؟ تخطي وندمح ... زلتك
/
وانتي بلا رحمه .....مقاديرك تحادينا .....حدي
هم وتعب حزن وسهر ضيق وقهر من جيتك
/
شاعرك يا الأيام منبع طيب ....ما صادق ردي
واكبر دليل /إنه قبل موته.... كتب.... مرثيتك

الهزاع

[اوركيد]

اقتباس: لا تهربي باقي بخاطر ...سايلك ..... علمٍ مدي إنتي إن مللتِ ..طلته.. هو حيل يعشق ..طلتك

الهزآع ..

وأنا اعشق طلة حرفك النديّ ..

رآئعه أبياتك وسلسه و سهله ..

دمت بـ نقاء يآ راقي ..

[وجه الغياب]

صح لسانك
لي عودة تليق بالشعر والشاعر

[غازي الفكر]

حجز مقعد ولي عوده
لهذا النزف الهائل

[حسن مدهش السهيمي]

الله الله الله

ما أطهرك

ما أحلمك

ما أجزلك

مع كل بيت أكرر لعبة الأيام

حقا لامست وستلامس كل قارئ وشاعر

بصدق شعورها وعمقها

وما اجمل العنوان وأوفى الخاتمة

شاعرك يا الأيام منبع طيب ....ما صادق ردي
واكبر دليل /إنه قبل موته.... كتب.... مرثيتك

أبا نايف


واللفظ دون وفاء الجزالة والمتعة

صح كلك ولاهنت لا هنت

رعاك من لا تنام عيناه

وفي أمان الله

[أحمد الهلالي]

الهزاع

الله لا يضرك ياشيخ وربي ماودي انها انتهت
لان كل بيت احلا من الثاني
هذا هو الشعر ولا فلا

[صاحبة الفخامه]

صح لسانك
جميله واكثر
اختك
صاحبة الفخامه

[جابر السلمي]

هزاع السهيمي
الشفق
حضور شاعر ، وحضرة قصيدة
كفو أبا نايف وأنت تقول:

اقتباس: شاعرك يا الأيام منبع طيب ....ما صادق ردي واكبر دليل /إنه قبل موته.... كتب.... مرثيتك

نص صاخب رغم هدوءه ، كُتِبَ بأناقة شعرية
وإحساس كبيرين ،
لعبة الأيام ونعمة الإلهام
شاعر وأكثر
صح لسانك وقلبك
دمت بكل خير
مودتي وتقديري

[غرور النفس]

صح لسانك

قصيدة رائعه جدآ

دمت بود

[الهواوي]

صح لسانك يالهزاع
اجبرتنا على قراءة هذا النص الجميل مره وثنين وثلاثه
لك هنا حرف لا ينصاع لغيرك ..دام حرفك
تقبل إطلالتي