[مسفرجمعان الصفا]

يارجل لو تبحث للاوضاع تبرير=يجيك من بعض الامور اندهاشي
بعض المعاني ما ورى نبشها خير =ادمس عليها بالقدم وانت ماشي
احذر تبيّن علمها للمناعير = الصمت خيرٍ من كثير النقاشي
عيبٍ تجاري بالردا نافخ الكير = خلّك عن الداني بعيد المناشي
انت احسم الموضوع من دون تاخير =ولا تستمع في شور مبغض وواشي
وان كان شفت الوضع جا فيه تزوير = وضاع العدل ما بين مرشى وراشي
جنّب عن اهل المخطيات المظاهير = واحذر يصيبك من مطرهم رشاشي
مالك ومال اهل العلوم المقاصير = اللي يشبون اللهب فالقشاشي
فالخبت ياماكثر عجاج المعاصير = تومي هبايبها بجريد العشاشي
والا الجبال مشمرخات المسابير = على جنبها ما يحوم الفراش
خذ الدليل وكب عنك التفاكير= ولا تنخدع للي عن الحق داشي
اجزع مع اوجيه الرجال المشاهير = خلّ العيا لاهل القلوب الغشاشي
بعض الطمائع تحذفك قاعة البير = ومن يلتوي في حبلها ما استعاشي
والمرجله ماهي بجمع الدنانير = علّم مجمّعت الذهب والمواشي
المرجله دين وشهامه وتقدير = ومنصى الركاب الظامرات العطاشي
يظفر بها اللي ما يحسب المخاسير = حرٍ على كسب النواميس عاشي

[سوالف ليل]

صح لسانك يا بن جمعان

أنا أشهد أنك صادق


قصيدة جمعت الحزالة والحكمة


لا هنت يالذيب

[الشفق]

صح لسانك
شاعر غامد الهيلا مسفر جمعان الصفا

الله عليك
نص مميز وجزل من شاعر جزل

اقتباس: والـمـرجـلــه مــاهـــي بـجــمــع الـدنـانـيــر عــلّـــم مـجـمّـعــت الــذهـــب والـمــواشــي الـمـرجـلــه ديـــــن وشـهــامــه وتــقــديــر ومنصـى الركـاب الظامـرات العطـاشـي

وافي ي مسفر وماتقول الا درر وحكم
لك نهج خاص في الشعر لا يجيده الا انت
لله درك ..
شكرا لك ولجزالة وفائدة ما امتعتنا به ي راقي
ودامت اطلالتك المفرحه ..
تقييمي
وتقديري الجم ومودتي
،
الشفق

[اوركيد]

اقتباس: يـارجـل لــو تبـحـث لـلاوضــاع تـبـريـر يجيـك مــن بـعـض الامــور اندهـاشـي بعـض المعانـي مـا ورى نبشهـا خـيـر ادمــس عليـهـا بـالـقـدم وانـــت مـاشــي احــــــذر تــبــيّــن عـلــمــهــا لـلـمـنـاعـيــر الـصـمـت خـيــرٍ مـــن كـثـيـر النـقـاشـي

صح لسانك استاذ / مسفر ..

أبيات لبست رداء الحكمه بـ أسلوب شيّق , ,


رآقتني والخالق ..

لـك جُلّ تقديري و إحترآمي

[عبد الرحمن الحازمي]

صح لسانك مسفر جمعان قصيدة وافية من رأس وافي تقبل حضوري رعاك الله

[عبدالله الازوري]

والـمـرجـلــه مــاهـــي بـجــمــع الـدنـانـيــر

عــلّـــم مـجـمّـعــت الــذهـــب والـمــواشــي

الـمـرجـلــه ديـــــن وشـهــامــه وتــقــديــر

ومنصـى الركـاب الظامـرات العطـاشـي

يظفر بها اللي مـا يحسـب المخاسيـر

حــرٍ عـلـى كـسـب النـوامـيـس عـاشــي

الله اكبر الله اكبر
قصيده لو كتبت فالعصور السابقه لاكانت ثامن المعلقات السبعه
صح الله السانك على جزل القصيد

[المغروره]

صح لسانك شاعرنا
قصيده روعه بحجم حضورك الرائع
ودي