[رمضان المنتشري]

الســـــــــــلام عليكم

الجود عودا عارضه ممتلي شيب
مريت وليا انه على الدرب طايح

قلت انت طيب قال ماحولي الطيب
بكره على قبري تنوح النوايح

قلت انتظر واما نعالجك وتطيب
والاترا نصف العلاج النصايح

وقف وقال اقسم بمن يعلم الغيب
اني قريت الآنضمه واللوايح

واني مفارق دون شك(ن) ولاريب
شيبت واجتاحتني ام الجوايح

احفيت رجلي مالقيت المعازيب
مكرمين الضيف مقبل ورايح

عزي لكم يامكملين المواجيب
اللي عليكم من سنا الوقت ضايح

الفقر يعوي في البلد كنه الذيب
والسوق حامي والموارد شحايح

راحت على من يكثرون التراحيب
اللي تليق بهم جزال المدايح

الكف يندى والمصيبه من الجيب
مرهون عند اللي بيع الذبايح

وســـــــــــــلامتكم

[طيف]

شكرا لك يا رمضان المنتشري...
رائع وننتظر القادم
دمت بخير

[الشفق]

اقتباس: المشاركة الأصلية كتبت بواسطة رمضان المنتشري     الســـــــــــلام عليكم الجود عودا عارضه ممتلي شيب مريت وليا انه على الدرب طايح قلت انت طيب قال ماحولي الطيب بكره على قبري تنوح النوايح قلت انتظر واما نعالجك وتطيب والاترا نصف العلاج النصايح وقف وقال اقسم بمن يعلم الغيب اني قريت الآنضمه واللوايح واني مفارق دون شك(ن) ولاريب شيبت واجتاحتني ام الجوايح احفيت رجلي مالقيت المعازيب مكرمين الضيف مقبل ورايح عزي لكم يامكملين المواجيب اللي عليكم من سنا الوقت ضايح الفقر يعوي في البلد كنه الذيب والسوق حامي والموارد شحايح راحت على من يكثرون التراحيب اللي تليق بهم جزال المدايح الكف يندى والمصيبه من الجيب مرهون عند اللي يبيع الذبايح وســـــــــــــلامتكم

الله الله
صح لسانك شاعرنا الجزل
رمضان المنتشري
قصيده توزن بيوتها بالذهب
كل بيت عن قصيده ، كانت اشبه بمشهد درامي
دائما ما تبهرنا بجديدك ابو قيصل
لا نضب فكرك ي جزل ..

تقييمي والخمس نجوم
ومودتي
،
الشفق

[السحاب]

صح لسانك رمضان المنتشري
قصيده رائعه لا هنت
تحياتي

[اوركيد]

شآعر حضوره مختلف ,,

الاستاذ / رمضآن المنتشري ,,

صح لسآنك و اعتلى شآنك ,,

متسلسله حتى انني تخآيلت اشخاصها ,,

ولا غرآبة عليكم الابداع فـ انتم اهله ,,

اقتباس: احفيت رجلي مالقيت المعازيب مكرمين الضيف مقبل ورايح عزي لكم يامكملين المواجيب اللي عليكم من سنا الوقت ضايح

مكرمين الضيف مقبل ورآيح ,,

صح كلك استاذ رمضآن ,, رآقتني تقييمي وتقديري ,,

[سهم المحبه]

ما عليك زود رمضان المنتشري يسلم راسك وصح لسانك وطاب طيبك وتسلم

[شِيخةّ الغِيد |❥]

رمضآن المٌنتشَريّ
قصِيدة مُثقله بِ الحِكمة وجَمآل الشعرّ
مبدعّ ومٌترفة قريِحتكْ
صَح لسسآنكك وقلبككّ
دُمت كمآ تتمنىّ ..

[ملائكيه]

ابيات بليغه شاعرها مبدع
صح لسانك رمضان
وطابت اوقاتك .

[آل مشرف]

صح لسانك ابو فيصل

ابيات رائعة جداً راقت لي وبقوة


تستاهل ***** واكثر

[عبدالله العطافي]

رمضان المنتشري

صح لسانك حتى ترضى

دايما تبهرنا بروائعك. الراقية التي مهما قلنا عنها لن نوفها. حقها

ولا لنا الصمت

فالصمت في حضرة الجمال جمالا

الله يعطيك العافية

وتقبل مروري وتقديري