[الشفق]

ليت الورق يقرا وش اللي كتب فيه ..
و ليت القلم يدري وش اللي جرا به ..

ان كان ما تمسي فـ صدري مشاريه ..
و لا اتضايق لو تضيق الرحابــــه ..

وآصوتي اللي عجزت الناس توحيه ..
غريب يوم اصوات غيري تشابــه ..

البيت بيتك و المواري مـواريـه ..
لـكـن كـبـرت و لا كـبـر مـعــك بــابــه ..

و الناي لو نقض جروحك بـ أغانيه ..
جـروح غـيــرك نـقـضـــتـهـا ربــابـــه ..

ما هو يتيم ان كنت انا اللي مغنيه ..
و لا هـو فـقـير ان كان جرحي زهابه ..

و الغايب اللي يغري الشعر طاريه .
مـا قــل قــدره لــو يطَــول غـيـابــه ..

كم لي و انا احث القصايد تخليه ..
حتـى تلاشـت رغـبـتـي في الكتابـه ..

و الشعر لو يفقد حروفه و اساميه ..
مـدري وش اللـي بعـدها ينبغابــه ..

احترت بين اعتب عليه و اراضيه ..
اخـــاف لا يـجـرح رضــــاه بـ عـتــابــه ..

أحيان أقول آبيـهـ , و أحيان ماآبيـهـ ..
الا ابــيـه و لـو يـــــبــي لـي عـذابــه ..

يـ اللي تجونه دامني مااقدر آجيه ..
وصــوا ذهـابه .. لا يـشح بــ ايـابـه ..

و قولوا له اني من كثر ماني أغليه ..
اشـرب ســرابـه و ارتوي من سرابه ..

و على كثر ماانسى اذا قلت ناسيه ..
دار الــزمان و جــاب عشقــه و جـابـه ..

حنيت لـ أيامه و ضحكت لياليه ..
قـبـلـه و بـعــده كــل وقـتــي رتـابـه ..

ان لمت قلبي عاقبتني محانيه ..
و ان قـلـت أبرضا عـز نفسي رقابـه ..

البارحه كنت اكسر الروح و انهيه ..
كان الـورق ارض و عيـــوني سحابـه ..

زرعت مااحبه ولا عاد لي فيه ..
و جنـيـت احـبــه لو يطـول غـيـابه ..
مما راق لي قراءته

[ذكرى]

الشفق
سحرتني باختياراتك وذوقك الرفيع والهمسات الحانية

رائع وأكثر

تقديري

[الاسطـوره]

شكرا الشفق
على جمال ما اختر
دمت بود

[غزلان]

الله الله
كلمآت رآئعه ومعآنيها أروٌع..
ذآئقتك مُتْرفه كعآدتك..
لآحرمنا الموٌلى من عذِبٍ عطآءك..
طِبَت بكل خير..