[أبوعماد]

سلام ياهل الدار والسالفة جات
ومن بعدها نسمع جواب الإفادة



إما يجاوبني علي بالعلامات
وإلا باحط الرأس فوق الوسادة

[علي حاسن]

يامرحبا ترحيب في كل الاوقات=ترحيب من قايد تولا القياده
ترى الصلاة اللي بليا تحيات=ماتنحسب من ضمن فرض العباده

[أبوعماد]

ابنشدك عن مقبرة كلها أموات
حرستها بالعنف وإلا الهوادة

بكره تخليها بليا حسافات
ياللي تشب النار فوق الرمادة

[علي حاسن]

جندي المرور اللي يحرس الاشارات=يعرف مقاصيده ويعرف مراده
ايات تختارون وايات وايات=وخفيرها دايم مجهز عتاده

[أبوعماد]

شرواك مانقطع معاه العلاقات
ياصاحب العز والسمو والسعادة


لكن تعال وخلها بالسماحات
لإنته ولا آنا من رجال النكادة

[علي حاسن]

وش رايكم ناخذ مع بعض جولات=يم الحرم من اجل نطق الشهاده
بالله ويش اخر علوم اتصالات=هي طيبه ولا مكاسب قراده

[أبوعماد]

لي قلب(ن)أخضر مايعرف السلامات
يدخل عيادة بعد يترك عيادة


كله من أم عيون كحلا وسيعات
لكن والله مالحقها نقادة

[علي حاسن]

ياصاحبي يقلون بعض المحطات=بترولها ابطى وخثرب زياده
مير انتبه دايم لوزن البلوفات=بعض الاوادم راحتي في بعاده

[أبوعماد]

ياشاعر(ن)يلعب ميادين قلطات
شاعر ولايحتاج مني شهادة


بكرة ورانا يابن حاسن دوامات
وإلا سوالفكم على القلب غادة


وتصبحون على خير

[علي حاسن]

بيض الله وجهك شاعر معروف وغني عن التعريف