آخر 10 مشاركات |
|
|
|
أدوات الموضوع | انواع عرض الموضوع |
07-27-2013, 06:37 AM | #1 |
مراقب عام
تاريخ التسجيل: Jul 2012
المشاركات: 15,369
|
مكرونة الدجاج بالصوص الابيض المقادير : مكرونة فيلية دجاج مقطع مكعبات زيت مايونيز جبنة سائلة قشطة ثوم مهروس البهارات: ملح فلفل اسود + احمر ملح ليمون كمون نجي للطريقة التحضير اول شئ نسويه وعشان حياخذ وقت نسلق المكرونة لسلق المكرونة نحطها بقدر و نحط معاها زيت و ملح و مويهه مغلية لمن تقرب المكرونة تستوي نسوي خلطة الدجاج لخلطة الدجاج نحتاج الدجاج و الزيت و الثوم و البهارات اول شئ نحط الطاوة ع النار و نحط فيها زيت و لمن الزيت شوية يحمى نحط الثوم لمن الثوم يتغير لون الثوم للاشقر او زي ما هوا في الصوره نضيف الدجاج لمن يستوي الدجاج نضيف البهارات اللي هيا ملح و فلفل احمر + اسود و ملح ليمون و كمون و مكعب واحد مرقة ماجي نقلبهم مع بعض و حتحسو ان الدجاج نشف مع البهارات نضيف شوية من مرقة المكرونة اللي سلقناها نقلبهم شوية و بعدين نطفي النار عليهم بعدين نجيب صينيهه و نحط فيهم المكرونة المسلوقة و خلطة الدجاج و نقلبهم مع بعض نخليهم على جنب ونسوي الصوص الابيض حنحتاج مايونيز و جبنة سائلة و قشطة و فلفل و ملح نحطهم في بول و نخلطهم مع بعض طبعا كل وحده تحط البهارات ع كيفها في ناس ما يحبو يكون الملح كثير و في ناس ما يحطو ملح اساسا و بعد ما نخلطهم كويس نضيفهم على المكرونة و الدجاج نخلطهم مع بعض كويس بعدين نشغل الفرن من فوق فقط لانه احنا بيغاها تحمر بس لان كل شئ مستوي وتقدرو ترشو عليها جبنة شيدر وبعد ما نطلها يكون لونها جميل هههه و شكلها النهائي و بالهناء و العافيةع قلوبكم و ان شاء الله تعجبكم و انصحكم تجربوها لانها خفيفة جدا و لذيذة البطاطس المهروسة طعمها لذيذ و سهلة التحضير و مكوناتها موجوده ف كل بيت المقادير: بطاطس مسلوقة مايونيز نعناع خل عصير ليمون زيت زيتون ملح + فلفل اسود طريقة التحضير: نهرس البطاطس ونضيف معاها المايونيز و نقطع نعناع و نحطه معاهم نضيف شوية خل و عصير ليمون و كمان الملح و الفلفل نقلبهم مع بعض بعدين نحطهم بالطبق اللي بنقدمة فيهه و ترش عليهم زيت الزيتون الشكل النهائي: و ب الهناء و العافية فلفل رومي - خيار - خس ( نقطعهم صغار ) + نخلطهم مع الذرة بعدها , نسوي الصوص ملعقتين من : التتبيلة الفرنسية ( كثرت منها ) الصلصة الإيطالية مايونيز بالثوم + عصير نص ليمونة بعدين نخلطهم مع السلطة ! أو تحطون الصوص أول بعدين السلطة الشكل النهائي: سينابون :* المقادير: للعجينة: كاستين دقيق ابيض 4 ملاعق طعام حليب ملعقة طعام خميره ربع كاسة زيت رشة ملح رشة سكر موية دافية نحطهم مع بعض كدا و نعجنهم انا احب اعجن العجينة ف يدي احسها تتعجن كويس و كمان افضل و اللي تبغى تحطها في العجانة برضو ينفع لمن تنعجن زي كدا نغلفها بالنايلون عشان ترتاح و تتخمر و لازم تتغطى كويس عشان يتضاعف حجمها زي كدا للحشوة: زبده لينة سكر بودره قرفة مطحونة نخلط السكر البودره مع القرفة زي ما هوا في الصوره عشان نفرد العجينة لازم ننظف سطح الدولاب كويس عشان حنفرد العجينة عليهه و لازم تتاكدو انو تنظفوهه مرهه بعد ما ننظف السطع نفرد العجينة عليه زي كدا و ادا حسيتو ان العجينة كبيره اقسموها نصين زي ما سويت بعد ما نفرد العجينة نمسح سطحها بالزبدة اللينة ملاحظة* الزبده تطلعوها بوقت من الفريزر عشان تلين مو تسيحوها ع النار و بعدين نرش عليها خليط السكر البودره و القرفة و نلف العجينة طبعا في ناس كثير ما يعرفو يلفوها اول شئ نطبق العجينة من البداية زي كدا و بعدين بأطراف اصابعنا نبرم العجينة لين يسير شكلها زي الرول بعدين نجيب صينية و ندهنها بشوية زيت عشان لا يلصق السينابون فيها و نقطع السينابون بسمك مناسب نرص السينابون ف الصينية و نشغل الفرن من تحت فقط لمن يصير لونها من تحت ذهبي زي كدا نقفل الفرن من تحت و نشغل من فوق لمن يسير السينابون من فوق بني فاتح او ذهبي نخرج الصينية من الفرن طبعا نجي للتزيين انا زينت بالنستلة اللي هوا الحليب المكثف تقدرو تزينوه بصوص الشوكلت او الكراميل و المكسرات زي عين الجمل او اللوز تو البندق الشكل النهائي:
__________________
سأكتبُ ما في قلبي سطوراً
لو كتبت بالدموع لامتلأت بحوراً |
غير متواجد
|
07-27-2013, 07:18 AM | #2 |
عضو هام في شفق
تاريخ التسجيل: Oct 2011
المشاركات: 10,003
|
لا هنت على الطرج
__________________
|
غير متواجد
|
07-27-2013, 08:06 AM | #3 |
العضوية الماسيه
تاريخ التسجيل: May 2010
المشاركات: 22,165
|
،
__________________
|
غير متواجد
|
07-27-2013, 09:15 PM | #4 |
العضوية الماسيه
تاريخ التسجيل: Jan 2012
المشاركات: 1,471
|
يعافيك صدى الملاعب |
غير متواجد
|
07-27-2013, 09:18 PM | #5 |
شاعر
تاريخ التسجيل: Feb 2012
الدولة: الرياض
المشاركات: 2,397
|
تسلم على هيك وصفات الأكل والطعم الذيذ.... |
غير متواجد
|
07-28-2013, 04:27 AM | #6 |
مراقب عام
تاريخ التسجيل: Jul 2012
المشاركات: 15,369
|
مشكورين على حضوركم وتواجدكم
__________________
سأكتبُ ما في قلبي سطوراً
لو كتبت بالدموع لامتلأت بحوراً |
غير متواجد
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
(عرض التفاصيل) عدد الأعضاء الذين شاهدوا الموضوع : 0 | |
لا توجد أسماء لعرضهـا. |
أدوات الموضوع | |
انواع عرض الموضوع | |
|
|