آخر 10 مشاركات |
|
|
|
أدوات الموضوع | انواع عرض الموضوع |
12-03-2013, 02:50 PM | #1 |
شفقي جديد
تاريخ التسجيل: Feb 2012
المشاركات: 142
|
نصيحة خاصة لابني غامد وعامة لك من يرى فيها فائدة له
ياغامد اسمع نصيحة بوك وافهمها = لا تصد عنها ولا تغيب عن بالك
ابوك فسّر معانيها وترجمها = من واقع التجربه تبدع وتهدالك جواهرٍ صغتها لك من مناجمها = ان طعتني ما اهتنى بالعذل عذّالك تمسّك بْطاعة الخلاق والزمّها = تفوز برضى إلاهك والسعد فالك وسنة رسول الهدى فالقلب عظّمها = تحظى بْشفاعته لا من وزنة اعمالك ولوالدينك عليك حْقوق واتممها = بالرفق واللين باقوالك وبافعالك وايام عمرك بما ينفع تغانمها = بالعزم والجهد تتحقق لك امالك وحافظ على حاجتك واحذر تحطّمها = تسترك عن منّةٍ من عمك وخالك واحفظ كرامتك بين الناس واحشمها = ميّز معاني علومك واحكم اقوالك ترى الرياجيل تنقد وانت فاهمها =تتصيّد اخطاك في مقفاك واقبالك ومواطن الريب الاجنّبت مجرمها = ما احدٍ عن افعاله بْيطلبك ويسالك واسراك اللي بوسط الصدر كاتمها = من دونها اختم على الابواب باقفالك لا كشفت اسرارك وبانت معالمها = ذاعوا بها الربع في حلّك وترحالك ولا تمني النفس بالسيئة وتوهمها = ومحاسبينك على يمناك وشمالك احذر غضب خالقك والنفس قاومها = من طاع نفسه على ما تمتني هالك تورّده للمهالك كان ما احرمها = وكشف بنور المعرفه ليلها الحالك ورفاقتك لو بدت بالحرب سالمها = ما تشلّ جور الحمول الا على جمالك تقبل اشوارها لو ما تلايمها = وارخص لها فالمواقف حالك ومالك لابتْك مهما جرى لك دمك من دمها = مالك غنى عن وفاها لو يورالك وان صار به مشكلة قبل تخاصمها = على يدين العوارف حطّ معدالك وخذ الحقوق المصيبه مع خواتمها = واعط الحقوق التي تنحاز في جالك واهل النمايم لا تتسمع نمايمها = عن ناقلين الحكايا جنّب احلالك واحذر ضعاف الروابع لا تزعمها = توقعك في موقع الشرهه وتغتالك لو نكّست عقلها على عمايمها = لا طحت ما حست بْهمك وغربالك والمكرمه لا بديت بْها فتممها = لا ينقص الطيب في وزنك ومكيالك وارزاق ربك على عباده مقسمها = وما كل شيٍ تمنيته تهيالك واعظم دروس الحياه اللي تعلمها = انك اذا اهملت تدفع قيمة اهمالك تلقى نتايج حياتك في قسايمها = مدونه في سجلاتك وتعنى لك ونهاية الحكمه اللي لك مقدمها = من واقع التجربه يالظفر تهدالك اترك بيوت القصايد لا تنظمها = ان كان لا قلتها ما احدٍ توحى لك اخير لك قبل تبدعها وتحكمها = حمّدك إلاهك وشكرك له وهلالك
|
غير متواجد
|
12-03-2013, 02:56 PM | #2 |
شفقي ملكي
تاريخ التسجيل: Mar 2013
المشاركات: 1,862
|
شكرا لك يا مسفرجمعان الصفا... |
غير متواجد
|
12-03-2013, 04:33 PM | #3 |
شفقي ملكي
تاريخ التسجيل: Apr 2013
المشاركات: 2,138
|
صح لسانك مسفر الصفا
__________________
|
غير متواجد
|
12-03-2013, 09:05 PM | #4 |
تاريخ التسجيل: May 2011
المشاركات: 26,851
|
صح لسانك ابو هلال |
غير متواجد
|
12-04-2013, 04:25 AM | #5 |
عضو هام في شفق
تاريخ التسجيل: Sep 2013
الدولة: الرياض
المشاركات: 1,264
|
صح لسانك وسلم منطوقك .. قصيدهـ جزله من شاعر جزل ..
__________________
ليسَ هناكَ من جديدٍ يُـذكر سوى انني اشتقتُ اليكِ .. |
غير متواجد
|
12-04-2013, 07:00 PM | #6 |
العضوية الماسيه
تاريخ التسجيل: Aug 2012
الدولة: في قمة الفكَر ,,
المشاركات: 22,378
|
شعر الموعظه هو الشعر الذي يُخلدّ .. |
غير متواجد
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
(عرض التفاصيل) عدد الأعضاء الذين شاهدوا الموضوع : 0 | |
لا توجد أسماء لعرضهـا. |
أدوات الموضوع | |
انواع عرض الموضوع | |
|
|