[السيد]

جاني واحد قال : بسأل كم سؤال


وقبل يسأل قلت : أنا ماني خبير !


قال: جاوب بس , يا ولد الحلال


وكل كلمه حِطَّهَا .. بشطرٍ صغير


قال نبدي : وش هو تعريف المُحال ..؟


قلت :


خَل هالكلمه فـ البيت الأخيـر ..!


القهــر : إن شفت دمعـات الرجال


و الوطن : ( إنسان ) .. مِتغيِّر كثير


و الطفل : لعبه على شاطـي الرمال


و الأمل : إحساس في عين الضرير


الوفا : [ قلبين ] .. يجمَعهُم حلال


و الرَجُل : اللـي علـى أهلـه يغير


و الرجا : لا قلت : للواطـي تعال


و الفشل : مدري .. ولكنـه مرير


و الشعر : في وقتنا .. بدر و طلال


زين أوَّل : حيـل يعجبنـي جرير ..!


و الغلا : إحساس إلى حَـد الخيال


و العِشِق : لا شفت مَعشُوقِك تطير


و الجفا : إعكس مفاهيم / الوصال


و الوَصِل : يعنـي تأكَّـد فيك خير


و العقل : تِسْفَـه أقاويـل الجهال


و الجهل : إن قلت عن نفسك كبير


و الخطر : لا صار ما عندك مجال


و البلا : إن صرت معدوم الضمير


و العجب : لا صرت تسأل منهو قال


و التعب : إن كنت تِبْحَثْ عن مصير


والغنى : بالنفس ما هو راس مال


و الفقر : من كان .. بـ أعماله فقير


يكفي يكفي .. أسئله إنهي الجدال


ويـ الله علمني عَن .. السِّر الخطير


ما أبي تضرب لي في غيرك مثال


قول : عنِّك وإعتبر سِرِّك في بير


جات طعنـه مِن جنوبك والشمال


يعني وضعِك بين مِن حُولك خطير


صاحبـي وإن ضاقت بعينك ليال


لك فرشت القلب مفروش الحرير


في [ بلاد الحلم ] .. ممنوع العقال


والمصيبه الشعب ما إختار الأمير


وما ألومك .. كان شدِّيت الرحال


دام بيتك جرح / وفراشك حصير


هذا تعريفي إلى كلمة : مُحَال


شيء ودِّك فيه ولا يمكن يصير ..!




منقول

[جوهينا]

صح لسانك سلمت الايادي ع النقل الحلووووووووو

الله يسعد قلبك ع رووعه الطرح وما ننحرم جديدك العذب

لك خالص أحترامي

[صالح العامري]

شيء ودِّك فيه ولا يمكن يصير ..!

وايش الحل.....؟

[شِيخةّ الغِيد |❥]

راقت لي كثيرا حروفكك إلثريه
أخي الغالي
كـ/عادتكك لاتأتي إلـأ بماهو مميز
أشكرك من ألـأعماق كل إلشكر
لكك خالص ودي ...

[لحن الحياه]

يعطيك ألف عافيه
موضوع رائع ومفيد
أبدعتي في الأنتقاء
بأنتظار جديدك بكل شوق
لاحرمنا أبدعاتك المميزه
لكي ودي وأرق التحايا