[الخفوق الحسآس]

.

تعال اسكن وسط صدري وبدد وحشة الوجدان
واذا حسيت بالغربه تسلّى رتّب ضلوعي
تعال اسكن بصدرٍ ماتمتّع في دفاه انسان
سوى اللي من عرفت وحبهم بالقلب مشروعِي
هلا بك وسط صدري وانتبه للقلب والشريان
ماهو خوفٍ عليه الا غلاكم فيه مزروعِي
ياورد طايفي ياجوريٍ مايزرعه لبنان
ياهتّان الربيع المختلف بالكم والنوعِي
لفى طيفك ولج بمنزلك يالغالي التحنان
عسى طيفك بشوفك ياشفاة الروح متبوعِي
على وزن اليتيم اللي كتبته مامعاه اخوان
نويت اكتم مشاعر خاطرٍ بالحيل مليوعِي
علشان الوحيد اللي ذنوبه مالها غفران
ذكرته مانسيته لو ذنوبه فيني تروعِي
رقيق احساس والالماس منه يغار بالاثمان
كريمٍ في شعوره باتجاهي ماقطع جوعي
بخيلٍ بالوصل للي تجرع منة الحرمان
تقبلت الكرم بس البخل ماهو من طبوعي
قبل كانت مشاعر داخلية ضامها الكتمان
على صدفة تفجر في حشاي وتوقد شموعي
هلا ياوردة في خاطري ماضمها البستان
اسج احيان لكن لو ذكرتك ضاعت سنوعي
هلا ياللؤلؤ المكنون في المحار يالمرجان
هلا يا سر سجّاة الخيال وسبة فزوعي


.





ياجماعه كيف مافيكم حميا
كيف صياح الضحى ماتسمعونه
ماتعونوني على ربعٍ أهنيّا
من بغى درب المراجل يمنعونه
المراجل ما تهيا هاسويا
كود من عض النواجذ في سنونه
ان بغيت الشح درب الطيب عيا
حالفٍ مارد نفسي للمهونه
ماعليّه من منقلت الحكيا
كان باب الرزق منهم يقطعونه
وان بغيت الهون ساس الطيب عيّا
حالفٍ ما أرضى لنفسي بالمهونه
حالف ماجوز من جيةهويا
دام بيت الله خلقه يدهلونه
ماعلينا من مساريد القفيا
كان حبل الرزق معهم يقطعونه
من لحومي الدانيه شفت الجفيا
من بغى درب الشكاله يذهتونه


.







سراب وضحكة صفراء بلا رحمة و أمل كذاب
و أحاديثٍ تدوس من البياض اللون والمعنا
تزور عيوننا نفحة هنا و تموت عند الباب
و تذبح صادق النية و تسري في مواجعنا
نسد الدرب في وجه الظنون و نجرح البواب
و نمشي في طريق الصبح لين الليل يصفعنا
مجانين البياض قلوبنا تضحك و لا ترتاب
و لو شمس الهجير تذيب أملنا في مرابعنا

نفيض اخلاص نعطي من محبتنا بدون حساب
نحسب الناس كل الناس نسخة من طبايعنا
نرش الدرب للنشوان ولعينه نصير أهداب
و نبكي لا بكى المجروح حر بكاه يدفعنا
نحب النور لجل النور, لو نور النواظر ذاب
تحملنا عنانا لو غرقنا في مدامعنا

لنا في هامة العليا سكن ومن النهار ثياب
ولنا من نفحة الطيب الشذى والحق يقنعنا
نعيش أغراب بين الناس و إن متنا نموت اغراب
و تنسانا العيون اللي لجل سلوانها ضعنا
غلط لكن وش الحيلة طبيعة والطبع غلاب
نتوب وننقض التوبة ونور الصدق يتبعنا



.




يآصآحبي وينك لفت ضيقة آلبآل
آنت آلوحيد آللي تعز آلصدآقه
يآصآحبي صكت على صدري جبآل
آشيلهآ وآلصبر مرٍ مذآقه
تعآل شوف آلوقت وشلون ميّآل
مآعآد لي في دفع آلآآحزآن طآقه
آتعب وآغنيهآ على كل موآل
وآشوف بحر آلخوف يلمع زرآقه
وآقول بكرآ يمكن تزين آلآآحوآل
لكن هذآ آلحظ مكسور سآقه
آفك قلبي وآشتكي لك عن آلحآل
وآلقآك آعز من الآآخو وآلرفآقه
آنثر همومي بين جيّه وترحآل
وآنته تجمعني بذوق وآنآآقه
دآيم آشوفك صآدق بكل آلآآفعآل
نعم آلصديق ونعم صدق آلعلآآقه
يآصآحبي آفديك بآلروح وآلمآل
وآهديك من بستآن آلآعماق بآقه
يقصر زمن ولآآ يكون آلزمن طآل
آنآ خويك لو يجوّد وثآقه
آلصحبه آللي مآلهآ قدر وآجلآآل
تسقط ويسقط آسمهآ بآلبطآقه
يآصآحبي وينك لفت ضيقة آلبآل
وآنت آلوحيد آللي تعز آلصدآقه
يآصآحبي صكت على صدري جبآل
آشيلهآ وآلصبر مرٍ مذآقه








الا ياغربتي يكفي هموم بدنيتي واوجاع
احس ان الفضاء ضيق ولا توسعني فجوجه
تمر افراحي بعيني كما كنزٍ عليّه ضاع
يسولف لي ولكني عجزت افهم على هروجه
غريب الدار والديره ياويل القلب لامن لاع
يحاول يقفل ابواب الشقا ويحكم دروجه
الا منه شكى الغربه تمنى يلفت الاسماع
او انه يرمي جروحه على بحرٍ صفق موجه
عسى ينسى همومه لين تأتي حزة المرجاع
يبي يفرح على طاري ربيع الشوق ومروجه
اساهر دمعتي والعين عيت تتبع الهجاع
تجيني لحظة الذكرى بجيشٍ ساري فوجه
سلام الله على دار السعاده والصدور وساع
تحية شوقي لداري بكل الحب ممزوجه
الا ياغربتي يكفي هموم بدنيتي واوجاع
احس ان الفضاء ضيق ولا توسعني فجوجه



.






ياهلا باللي ينور دنيتي صوته
كيف لو جيتني وشحال هالدنيا
ياهلا باللي ينور دنيتي صوته
كيف لو جيتني وشحال هالدنيا
ان هرجلي يريح نفس مكبوته
وان ضحك لي يزف الروح للعليا
ان هرجلي يريح نفس مكبوته
وان ضحك لي يزف الروح للعليا
ياهلا باللي ينور دنيتي صوته
كيف لو جيتني وشحال هالدنيا

انت ياحب قلبي صرت له قوته
وانت يانور عيني اجمل الطريا
انت ياحب قلبي صرت له قوته
وانت يانور عيني اجمل الطريا
ياهلا باللي ينور دنيتي صوته
كيف لو جيتني وشحال هالدنيا

صورتك ياحسين الوصف منحوته
يااكمل الناس عندي واجمل الحليا
صورتك ياحسين الوصف منحوته
يااكمل الناس عندي واجمل الحليا
ياهلا باللي ينور دنيتي صوته
كيف لو جيتني وشحال هالدنيا


.






الليـلـة هــذي واضـحــة لـيـلـة فـــراق
حــاولــت أعـديـهــا وعــيــت تــعــدي
ظــروف مــا تنـطـاق ولا راح تـنـطـاق
صــد الـقـدر مـاهـو بـصــدك وصـــدي
تـعـال خـذنـي بـيــن أيـاديــك مـشـتـاق
قـبــل انـتـفـارق حـــط يــــدك بــيــدي
بجلـس معـك ساعـة حبـايـب وعـشـاق
مـن بعدهـا كيفـك ولـو صــرت ضــدي
فينـي خليـط اشـواق بأشـواق باشـواق
واصـل معـك مـن كثـرة الشـوق حــدي
ودي المـك واحضـنـك حضـنـة اعـنـاق
ياشـيـب عيـنـي كـــل مـــا قـلــت ودي
في خاطري وش خاطري خاطري ضاق
الـكــون كـلــه ضـــاق مـاهــو بــقــدي
حتى الدموع الي استحت كبـر وأخـلاق
تساقـطـت مــن فـــوق خـــدك وخـــدي
لوحة شعـر تبكـي علـى بيـض الأوراق
بيـحـت فيـهـا مــن ردى الـحـظ ســدي
ليـلـة جـفـا وافــراق مــا مثـلـه افــراق
حــاولــت أعـديـهــا وعــيــت




.





ياجرح لاتكبر ترى اثيابـك جـداد
توك طري العـود والعمـر بـدري
ياجرح حتى الموت لفنـاك مافـاد
وانا عزاي ان مت يرتاح صـدري
الضيقه اللـي تالـي الليـل تنعـاد
اتبع رضاها خوفي النـاس تـدري
طفل الضما الى نفى سلـوة الـواد
بيتي نفى من سود الأيـام جـدري
عيب الهدايا صمت يشبه له اعيـاد
من وين مر العيد ! والله مـا أدري
شعري وحسن القد واسلوبي الجاد
اضحى غرور بعين من شاف كدري
صحيح فيني عيوب وافعالي أمجـاد
لكن محال ان يشتكي الجار غـدري
وصحيح مر الوقت من بلسمي فـاد
لكن مـلاذ الدمـع بالخـد حـدري
في جرأتي بالحق تحسب لي اسياد
وانا اشد من الحياء بيـن خـدري
وفي هقوتي بالشعر تاريخ لاحفـاد
ماهو مجرد بوح ينسـاب هـدري
وش ينفع المشهور لو يملك ابلاد!
ما للشعر قيمه الـى طـاح قـدري
وياجرح كان الموت لفنـاك مافـاد
جعل الذي ماقد درى اليوم يـدري












.


ودعتك الله على حروة لقا
رح والوفا في زهابي ذاخره
بابقى على ماتضنه وتهقا
من الامل في انتظار الباخره

مايقطن الياس فيني لو بقى
بالعمر يوم احتريتك لآخره
حسبي على الوقت فينا مااتقا
ربه بهدم الحياة الفاخره

ضحك لنا في البدايه لاسقا
يومن ضحك فيه ضحكه ساخره

اخذك مني وقلبي مالقا
نبضه وسوس المفارق ناخره

والمك من قلبي لعيني رقا
واحداث الاثنين فيني زاخره

استدرج العين وان جات بتقا
هليّت شيءٍ بها لك ذاحره

ستارة الصدر بوابة شقا
الحزن بيته وراها صاخره

تعال انا ماني والصبر اصدقا
بيّحت عودي على مباخره

روحي تحبك على وضح النقا
وان رحت راحت وهي متفاخره
اذا سمعت النبا لك البقا
والله يسامحك دنيا واخره



.



كــم راح مــن عـمـري وانــا ودي اتـــوب
ولولا الهوى والنفـس كـان امـس تايـب..
عشريـن عـام امنـي النـفـس يــا ايــوب
ليـن اكتشفـت انـي مـع الـوقـت شـايـب..
راحــت حيـاتـي بـيــن طـالــب ومـطـلـوب
ولي خاطر(ن) لو طبت ماهوب طايب..
واخـاف مـن يــوم بــه الـمـوت مكـتـوب
لا حـولــوا بـــي بـيــن عـــوج الـنـصـايـب..
في منزل مظلـم عـن النـاس محجـوب
محـجـوب حـتـى عـــن نـسـيـم الهـبـايـب..
وصار الكفن يايوب يغنـي عـن الثـوب
وفــارقـــت ربــعـــي والاهـــــل والــقــرايــب..
مــا عــاد فيـهـا جــاه وأمــوال وسـلــوب
ولا عـــاد فـيـهـا حـــب خـشــم وطـلايــب..
ولا عـاد حولـي شمـر ولا بـه حــرووب
انـــــا ومـلائــكــة الــرضـــاء والـعـقـايــب..
خـدعـنــي الـتـسـويـف وأغـرتـنــي دروب
مــــن يــامــن الـدنـيــا وغــــدر الـنـوايــب..
يالله يــــا فــــارج عــلــى كــــل مــكــروب
يـــا واحـــدٍ بـامــرك تــهــون الـمـصـايـب..
يــا مــن تقـلـب بـيـن اصابـيـعـك قـلــوب
خلـقـتـهـا مــــن بــيــن صــلــب وتــرايـــب..
يــا غـافـر لـمــن جـالــك وكـلــه ذنـــوب..

عـبــدٍ ضـعـيـف وجــــاك تــايــب ونــايــب..
يـا رب لـو قلبـي صـخـر عـنـدك يــذوب..
يــامــن لهـيـبـتـك الـجـبــل خـــــر ذايـــــب
اتـــــوب ثـــــم اعـــــود واعـــــود واتــــــوب..
مـاهــي عجـيـبـه وانــــت رب الـعـجـايـب
من المهـد ليـن اللحـد وقتـي محسـوب..
مـا ضـاع شـي ومـا بقـى شــي غـايـب
يــارب مـالــي غـيــر رحـمـتـك مـطـلـوب ..
مـن لـي سـواك ان جـيـت يــارب تـايـب
كــم راح مــن عـمـري وانــا ودي اتـــوب ..
ولولا الهواء والنفس كـان امـس تايـب





.





البيت شديته وجبت العناوين
وليا نظمته ناظره فالمجله
اتعب عليه ايام وشهور وسنين
حتى يجي بين القصايد محله
والشعر له عندي سلوم وقوانين
ومنقحه عن كل ميله وزله
وياراكب اللي ماركبوه المعانين
اهل الديون المجحفه والمذله
مركب شيوخ المجتمع والسلاطين
اللي لهم هيبه وعزه ومله
في اكس أر احدى عش بعد ماصدّر الفين
مميزاته تشلعه للاهله
ماسامه اللي يمسك المال ياحسين
خوفٍ تجيله فالمقابيل خله
اليا اشتغل يجرح قلوب الحسودين
ماكنه الا يقول خله لعلّه
واليا نزل والبايكه فوق مترين
مثل العروس بليلة مسفهلّه
تنزل وتنظر للعرب في طرف عين
في موقفٍ واللي حظرها يجلّه
كن انتلاته تشر لصاحبه وين
يوم ان سواقه تواسى وتله
بين المواتر يظهر شوي ويبين
كن المظلي يندفع بالمظله
ولا يقول لصاحبه بينه البين
وش تنتظر يالله توكل على الله
ولا شع طبلونه يشكك بناسين
بدرٍ طلع في غير وقته وحلّه
ياخذ على خطه صكوك وبراهين
مانافسه في طرقته غير ظله
اليا نطحته كنه الدمع في العين
في عيون من عيت عيونه تهله
يطري علي صطبه يسار ويمين
اليا قفيته والنظر مايزله
شيخٍ عقد لمواطنيه الحجاجين
من عقب طيبه للعرب جاه زله
وياناقد الالوان بهديك لونين
خذ ماتبي واللي تخليه خلّه
بين المواتر يظهر شوي ويبين
كن المظلي يندفع بالمظله



.




خذ بدلتي وبريهتي والبساطير
سلم عليهم قلهـــــم يفصلوني
ماقصدي اتركهم دشارهـ وتقصير
لكن نسـيـم الليل هيض أشجوني
حب القنـص والبر وملاعب الطير
جلست نشــامى بالوفا يعرفوني
بلغ القايد تحيــــات وتقدير
على طابـــور الصبح لا يحتروني
ماعاد به فايــــده صار ماصار
اللي تبيها العيــن قلبي يبيها
لو عتذر مابه مجــــالً للأعـذار
ليت الســــلامة تنشري واشتريها
وش تنتظر يامحـرق اللقلب بالنار
ماتستـــــلف روحي وتقضي عليها
ولا تعـــــذب كل هالوقت وأحتار
مع مـن خذتني لعبةٍ في يديهـــا
تلعب على ماتشتهي بي وتختـــار
وانا الهــــوى ماودي انه يجيها
يجرح مشاعرها وانا أخــاف وأغار
حتى من الريح الخفـيه عليهـــا



.





ياغايب عني ترى للبطا لوم
لاشافتك عيني ولا جبت طاري
بسأل كثير الصبر يمكن تجي يوم
تلفي تنشد وانت بالحال داري
لك هاجس الذكرى سرق عني النوم
ماودعه فكري ولا عنه ساري
يسكن خيالي عشق ما يرتحل دوم
موقد براد الروح من شوق ناري
وقفة خطاوي ملها درب محروم
متى أشوفك والفرح له مواري
قضت سنين العمر بالود مهموم
واحمل خفوقي سر وأحكي وأداري
باصلك كلي من كسر بالجفا زوم
واعلن عليك الشوق بالحب أماري
واسعد معاك ولا بقا للعتب لوم
وان شافتك عيني فلا جبت طاري

هنآ ججميع شيلآت فهد مطر

[الخفوق الحسآس]

وسسسلآمم علييكم ورححمه الله وبرككآته
اخخباركم كويسسين ومنييح ان ششاء الله <<<ماصارت كل يوم انا اللي اسأل عن الاخخبار <<آوت <<
المهم ششسمه ذآ
بينمآ كنت اتججول باليوتيوب <<اهم ششي اتججول هع
مريت بششيلات فهد مططر عاد قلت بما اني نزلت سبق لمحمد فهد وصالح اليامي وش يفرق فهد عنهم هع
وحزنت وكذا ونزلت دمعتين <<<<امزح امزح لاتصصدقون هههههههههههههه
صوتته قميييييييل مااششاء الله
ان ششآء الله تعجبكم الششيلات ..

وبث خلصصصت
والموزوع متعوووب عليييه
ايوهه صصح مابي تقايييم ولا ششي <<ها وش تبين
ابي هدآيآ يوم ممميلادي قرب مابقى عنه سسوى ايام قليله 3/1/1414 << اقول اططلعي برا
مع السسلامه مع السلامه قبل لااانكفخ
تشآووو

[الخفوق الحسآس]

آما مححد رد وين النآس من امسس منزله الموضوع <<

[لحن الحياه]

يعطيييك العااافيه
لا عدمنا هالتميييز والابدااع ,,
بأنتظااار جديدك الجذاب والمميز..
فشكـــــرآ لك على هـــــذا آلطـــــــرح آلجميـل ..
تقــــديري وآحتــرآمي

[الخفوق الحسآس]

العفووو
نورتي الحححته يخختي
لاعدمت طلتس وتواجدس

[الشفق]

الخفوق الحسآس
شكرا لك ولا تزعلي
الله لا يهينك ودامت اطلالتك
*****
مودتي
،
الشفق

[اوركيد]

هلا بـ الرائعه خفوق ..

آفا واحنا نئدر على زعلك ..

بعدين ايش الابداع هذا .؟؟

ما ابغا اصكك عين .. هههههههههههه

مبدعه خفوق من يومك الله يحميكِ ..

تقبلي مروري ..

[الخفوق الحسآس]

يسسسسسسسلمكم ربي
شااااااككرهـ مروركم

[احساس انثى]

الله الله يالخَفوق
سمعت بَعضهآ ولي رَجعة لِسمآع البقية اكيد
الى ذلك الحين لك ارق تحية موشومة بـ*****

[الخفوق الحسآس]

منورهه ياقلبي
لاعدمت طلتكك